खिमराज चालिसे, चन्डिगढ ।
मूल प्रवाह अखिल भारत नेपाली एकता समाज लुधियाना फोकलप्वाइन्ट नगर समितिद्वारा सञ्चालित महिला विभागको आयोजनामा रसुवा बाढीपीडितका लागि राहत सङ्कलन गर्दै प्रगतिशील तिजी कार्यक्रम सम्पन्न भएको छ ।
मूल प्रवाहका केन्द्रीय सदस्य एवम् सुदूर पश्चिमोत्तर क्षेत्रीय अध्यक्ष तारा सोमरेको प्रमुख आतिथ्यमा सेप्टेम्बर १४, २०२६ का दिन सो कार्यक्रम सम्पन्न भएको हो ।
कार्यक्रमको उदघाटन भाषणमा सोमरेले बाढीपिडितप्रति ऐक्यबद्धता जनाउँदै राहत सङ्कलन अभियानको साथ विषम परिस्थितिमा पनि शोकलाई शक्तिमा बदल्न तिजी कार्यक्रम आयोजित गरिएको स्पष्ट पार्नुभयो ।
कार्यक्रममा केन्द्रीय सदस्य राजकुमार शाही, नगर समितिका ओम बहादुर, कैलाश, बसन्ती थापा, बिमला अधिकारी र दीपा चन्द (नवल चन्द) का साथै फोकलप्वाइन्ट नगरबाट देविराम थापा र सन्तोष रेग्मीलगायतको आतिथ्य रहेको थियो ।
यसका साथै कार्यक्रमलाई सफल पार्न मीना दर्नाल, कमला परियार, सुनिता श्रेष्ठ, गीता सुनार, शोभा बराइली, कमला क्षेत्री र अश्मिता थापालगायतका महिला नेतृ तथा कार्यकर्ताले सक्रिय भूमिका निभाउनुभएको आयोजकले जनाएको छ ।
अर्जुन कार्कीद्वारा सञ्चालित तथा मीना दर्नामीको अध्यक्षतामा सम्पन्न सो समारोहमा बिमला अधिकारीले स्वागत गर्नुभएको थियो ।
