खिमराज चालिसे, चण्डीगढ ।
मूल प्रवाह अखिल भारत नेपाली एकता समाजले श्रीगङ्गानगरमा प्रशिक्षक कार्यक्रम सम्पन्न भएको छ । नगर समितिद्वारा सञ्चालित सेतियाफार्म एरिया समितिको आयोजनामा बुधबार एकदिने प्रशिक्षण कार्यक्रम सम्पन्न भएको हो ।
कार्यक्रममा मूल प्रवाहका केन्द्रीय अध्यक्ष दुर्गाबहादुर केसी, केन्द्रीय सदस्य कृष्ण जिसी र केन्द्रीय सदस्य तथा क्षेत्रीय सचिव त्रिभुवन भट्टराईले मूल प्रवाह अखिल भारत नेपाली एकता समाजको इतिहास, भारतस्थित नेपालीहरूको वर्तमान स्थिति, देशको वर्तमान अवस्था र हाम्रो दायित्वलगाएतका विषयमा प्रशिक्षण दिनुभएको थियो ।
नगर समितिका अध्यक्ष गिरुप्रसाद न्यौपानेले कार्यक्रम सफलताको शुभकामना दिनुभएको उक्त प्रशिक्षणमा मूल प्रवाहका नेताहरू रेशम भण्डारी, हेमराज न्यौपाने, तेजपाल भण्डारी, रुकराज भण्डारीलगायतका अन्य अतिथिहरूको उपस्थिति रहेको थियो ।
कार्यक्रम जागेश्वर न्यौपानेको अध्यक्षतामा तथा हरिप्रसाद न्यौपाने सञ्चालनमा सम्पन्न भएको थियो ।
प्रशिक्षणमा अतिथिहरूको आसन ग्रहणपछि ज्ञातअज्ञात सहिदहरूप्रति एक मिनट मौनधारण पश्चात डिलाराम भट्टराईले स्वागत गर्नुभएको थियो।
