राष्ट्रिय जनमोर्चा डोटीको अध्यक्षमा बोगटी, सचिवमा खड्का

शनिबार, भदौ ३०, २०८० मा प्रकाशित

डोटी । राष्ट्रिय जनमोर्चा डोटीको दोस्रो जिल्ला सम्मेलन सम्पन्न भएको छ । शनिबार दिपायलमा सम्पन्न जिल्ला सम्मेलनले डबलबहादुर बोगटीको अध्यक्षतामा २१ पूर्ण, ४ वैकल्पिक र ६ सदस्यीय सल्लाहकारसहितको नयाँ समिति चयन गरेको छ ।

समितिको उपाध्यक्षमा रमेश अवस्थी, सचिव मानबहादुर खड्का, सहसचिव खगेन्द्र जोशी र कोषाध्यक्षमा नरेन्द्र विष्ट चयन हुनुभएको छ ।

सचिवाल सदस्यमा उज्जर बुढामगर र नरेश आले तथा सदस्यहरुमा कविराज जोशी, शंकर विक, रामचन्द्र भट्ट (फुलेडी), देवनाथ योगी, परुली नेपाली, विजया बोगटी, कृष्ण भट्ट, दिपक विक, हेमराज भट्ट, जहरसिंह खवास, डम्बरा जोशी, पार्वती विक र किश्नराज जोशी चयन हुनुभएको छ ।

यस्तै, वैकल्पिक सदस्यमा रामचन्द्र भट्ट, तारा भट्ट (जोरायल) जंगी नेपाली र भीमबहादुर धामी रहनुभएको छ भने सम्मेलनले कृष्णबहादुर पुनमगर, लालबहादुर बिडारी, महानन्द भट्ट, केशरसिंह नेपाली, लक्ष्मणसिंह भण्डारी र तेजबहादुर कपाली सल्लाहकार चयन हुनुभएको छ ।

सम्मेलनको उद्घाटन राष्ट्रिय जनमोर्चाका महासचिव मनोज भट्टले गर्नुभएको थियो ।

कार्यक्रममा अखिल नेपाल जनजाती सम्मेलनका जिल्ला अध्यक्ष उज्जरसिंह बुढामगर, अखिल नेपाल किसान संघका प्रतिनिधि देवनाथ योगी, राजमो केआईसिंह गाउँपालिका अध्यक्ष कविराज जोशी, शिखर नगरपालिकाका केशवराज जोशी, जोरायल गाउँपालिकाका अध्यक्ष तारा भट्ट, प्रगतिशील पत्रकार संघका नरेश आले, मूल प्रवाह अखिल भारत नेपाली एकता समाजका मध्यपश्चिम क्षेत्री सदस्य धनबहादुर विक, नेपाल पत्रकार महासंघका जिल्ला अध्यक्ष मोहन शाहीले सम्मेलन सफलताको शुभकामना दिनुभएको थियो ।

राजमो जिल्ला अध्यक्ष डबल बोगटीको अध्यक्षता र सचिव मानबहादुर खड्काको सञ्चालनमा अघि बढेको सम्मेलनमा राजमो जिल्ला उपाध्यक्ष एवम् प्रदेश सल्लाहकार रमेश अवस्थीले स्वागत गर्नुभएको थियो ।

सम्मेलनअघि दिपायल बजारमा जुलुश प्रदर्शन गरिएको थियो ।

अमेरिकाविरुद्ध भारतलाई तटस्थ राख्न चीनले कालापानीमा समर्थन जनायो : भट्ट