कञ्चनपुर । कञ्चनपुरमा राष्ट्रिय जनमोर्चाले सञ्चालन गरेको संगठन विस्तार अभियान अन्तर्गत दक्षिणी क्षेत्रमा जनभेटघाट, सदस्यता वितरण, प्रशिक्षण तथा संगठन निर्माणलाई तिब्रता दिइएको छ ।
अखिल नेपाल जनजाती सम्मेलनका महासचिव रामबहादुर वुढा र तराई मधेश जनवादी मोर्चाका महासचिव राजाराम चौधरीको नेतृत्वको टोलीले दक्षिणी क्षेत्रमा संगठन निर्माणलाई व्यापकता दिएको हो ।
टोलीले बेलौरी नगरपालिकाको वडा नं. २, ३ र ४ मा जनभेटघाट तथा समितिहरु निर्माण गरेको छ । यसै क्रममा बेलौरी नगरपालिका–४ को माथिल्लो रिछाहा टोलमा राजमोको भेला तथा प्रशिक्षण सम्पन्न भएको छ । भेलाबाट रतिराम चौधरीको अध्यक्षतामा ११ सदस्यीय टोल समिति गठन भएको छ ।
समितिको उपाध्यक्षमा रिता चौधरी, सचिव गोलबहादुर चौधरी, सहसचिव राजमति चौधरी र कोषाध्यक्षमा धनिराम चौधरी चयन हुनुभएको छ । सदस्यहरुमा रुपलाल चौधरी, विमला चौधरी, तिर्थु चौधरी, हेमप्रसाद चौधरी, किसन चौधरी र रुपसिंह चौधरी, रहनुभएको छ । कार्यक्रममा राजमोका जिल्ला सदस्य तथा बेलौरी नगर अध्यक्ष दयाराम अधिकारीको उपस्थिति थियो ।
त्यस्तै, २४ गते बेलौरी नगरपालिकाकै वडा नं २ बैजुडाडाँ गाउँमा भेला तथा प्रशिक्षण सम्पन्न भएको छ । भेलाले राजमोको ९ सदस्यीय समिति गठन गरेको छ । समितिको अध्यक्षमा सन्तुराम चौधरी, उपाध्यक्ष शुशिला चौधरी, सचिव सुस्मा चौधरी, सहसचिवमा रिता चौधरी र कोषाध्यक्षमा पहलमान चौधरी चयन हुनुभएको छ । सदस्यहरुमा अर्जुन चौधरी, चनकु चौधरी, विपतराम चौधरी र विमला चौधरी रहनुभएको छ ।
यसैगरी बेलौरी नगरपालिका–,७, ४ र ९ को विभिन्न स्थानमा जनभेटघाट तथा सदस्यता वितरण भैरहेको जनजाती सम्मेलनका महासचिव रामबहादुर वुढाले जनकारी दिनुभयो ।
यस्तै, कञ्चनपुरको उत्तरी क्षेत्रमा राजमो जिल्ला अध्यक्ष रामबहादुर कार्कीको नेतृत्वमा अभियान सञ्चालन भइरहेको छ । सो क्षेत्रमा राजमो केन्द्रीय सदस्य एवं सुदूरपश्चिम इन्चार्ज मनोज भट्टले लगातार प्रशिक्षण दिइरहनुभएको छ ।
यो पनि पढ्नुहोस्ः
सर्वसाधारणको आवाजः ‘जनमोर्चा सबैभन्दा राम्रो पार्टी हो, आउँदै गर्नु है’
नयाँ बनेका समिति पनि संगठन विस्तारमा सक्रिय
कञ्चनपुरमा संगठन विस्तार तिब्र, अन्य दल परित्याग गर्दै राजमोमा प्रवेश
महाकाली पारी राजमोको भेला आयोजक समिति
कञ्चनपुरमा संगठन निर्माण तिब्र, एमालेबाट निर्वाचित वडाअध्यक्ष राजमोमा प्रवेश
कञ्चनपुरको बेलौरीमा राजमोको सदस्यता वितरण तिब्र
कञ्चनपुरका गाउँ गाउँमा राजमोको सदस्यता वितरण
नवप्रवेशीलाई सदस्यता वितरण गर्दै संगठनात्मक अभियान सुरु
सुदूरपश्चिममा सुरु भयो संगठनात्मक अभियान
राजमो कञ्चनपुरले बनायो एक महिने संगठनात्मक अभियानको खाका
