कञ्चनपुर । राष्ट्रिय जनमोर्चाले सञ्चालन गरेको संगठनात्मक अभियान कञ्चनपुरका गाउँ गाउँमा सदस्यता वितरण, पर्चा वितरण, प्रशिक्षण तथा संगठन निर्माण गर्दै अघि बढिरहेको छ । अभियान अन्तर्गत नयाँ निर्माण भएका समितिहरु पनि उत्साहका साथ संगठन निर्माणमा सक्रिय हुन थालेका छन् ।
जिल्ला को दक्षिणी क्षेत्रमा अखिल नेपाल जनजाती सम्मेलनका महासचिव रामबहादुर बुढा तथा तराई मधेश जनवादी मोर्चाका महासचिव राजाराम चौधरीको नेतृत्वमा अभियान सञ्चालित छ । टोलीले बेलौरी, पुनर्वास, बेल्डाँडी, लालझाडी लगायतका स्थानीय तहमा संगठन निर्माणलाई तिब्रता दिएको छ ।
अभियानकै क्रममा बेल्डाँडी गाउँपालिकाको गौडीमा टोल समिति गठन भएको छ । विमल थापाको अध्यक्षतामा १३ सदस्यीय समिति गठन भएको हो । कार्यक्रममा राजमो जिल्ला सचिव अहिमान थापा उपस्थित हुनुहुन्थ्यो ।
यस्तै, पौलाहमा लाहानु चौधरी अध्यक्ष र रामप्रसाद चौधरी सचिव रहेको ७ सदस्यीय टोल समिति गठन गरिएको छ । तल्लो रिछाहामा जुहारी चौधरी अध्यक्ष र नन्दु राना सचिव रहेको १७ सदस्यीय टोल समिति गठन गरिएको छ ।
यस्तै, बेलौरी नगरपाकिलाको गोकुलपुर, रिछाहा, मोतिपुर लगायतका स्थानमा सदस्यता वितरण, प्रशिक्षण पर्चा वितरण र घरदैलो अभियान सञ्चालन गरिएको छ । कार्यक्रममा राजमो बेलौरी नगर अध्यक्ष दयाराम अधिकारीको उपस्थिति थियो । अभियानकै क्रममा मोतिपुरमा ८६ वर्षीया कौशिला न्यौपानेले राष्ट्रिय जनमोर्चाको सदस्यता नविकरण गर्नुभएको थियो ।
यो पनि पढ्नुहोस्ः
कञ्चनपुरमा संगठन विस्तार तिब्र, अन्य दल परित्याग गर्दै राजमोमा प्रवेश
महाकाली पारी राजमोको भेला आयोजक समिति
कञ्चनपुरमा संगठन निर्माण तिब्र, एमालेबाट निर्वाचित वडाअध्यक्ष राजमोमा प्रवेश
कञ्चनपुरको बेलौरीमा राजमोको सदस्यता वितरण तिब्र
कञ्चनपुरका गाउँ गाउँमा राजमोको सदस्यता वितरण
नवप्रवेशीलाई सदस्यता वितरण गर्दै संगठनात्मक अभियान सुरु
सुदूरपश्चिममा सुरु भयो संगठनात्मक अभियान
राजमो कञ्चनपुरले बनायो एक महिने संगठनात्मक अभियानको खाका
