सन्तोष शिला सुनार, अर्घाखाँची ।
राष्ट्रिय जनमोर्चा अर्घाखाँचीले संघीयता खारेजीसहित जनजीविकाका मुद्दा र वातावरण संरक्षणलाई प्राथमिकताका साथ उठाउने भएको छ ।
पाचौँ जिल्ला सम्मेलनका निर्णयहरु सार्वजनिक गर्न आइतबार पत्रकार सम्मेलन गरी राजमोले सो जानकारी दिएको हो ।
सन्धिखर्कस्थित डायमण्ड होटेलमा आयोजित पत्रकार सम्मेलनमा राजमोले देशको विषम परिवेसमा पाचौँ जिल्ला सम्मेलन यहि वैशाख ८ र ९ गते भब्यताका साथ सम्पन्न भएको जानकारी दिएको छ ।
सम्मेलनले गणतन्त्र, धर्मनिरपेक्षता, राष्ट्रियताको रक्षा र संघीयता खारेजीको लागि जिल्लामा व्यापक आन्दोलन उठान गर्दै जनताका जनजीविकाको पक्षमा संघर्ष उठान गर्ने निर्णय गरेको छ । साथै जिल्लामा हुने सबै प्रकारका शोषण, उत्पिडन, अत्याचार, भष्टचार, अनियमितता तथा जनविरोधी क्रियाकलापमाथि पनि गम्भिरताका साथ छलफल गरि आगामी संघर्षलाई अगाडि बढाउन आवश्यक निर्णय गरेको राजमोले जनाएके छ ।
साथै, सम्मेलनले जिल्लाको वातावरणीय सन्तुलनमा परेको प्रभावमा तिनपाने लेक र खाँचिकोट लगायतका क्षेत्रमा चुनढुङ्गा उत्खनन र त्यसले खानेपानीमा पारेको असरको बारेमा समेत छलफल गरि चुरे पहाड, नदीजन्य पदार्थहरुको दोहन रोक्न सम्बन्धित निकायलाई ध्यानाकर्षण गराउँदै आवश्यकता अनुसार वातावरण जोगाउनको लागि ठोस योजना बनाई संघर्ष गर्ने समेत निर्णय गरेको छ।
पत्रकारहरुको जवाफ दिने क्रममा नवनिर्वाचित जिल्ला अध्यक्ष थम्मन केसीले जिल्लामा रहेको धार्मिकस्थल सुपादेउरालीको सिरतीनपाने लेकमा भइरहेको चुनढुन्ङा उत्तखनन् रोक्न राजमोले महत्त्वपूर्ण भूमिका निर्वाहा गर्ने बताउनुभयो ।
अध्यक्ष केसीको अध्यक्षतामा भएको कार्यक्रमको सञ्चालन सचिव बाबुराम पन्थी सुनारले गर्नुभएको थियो । पत्रकार सम्मेलनमा नेपाल पत्रकार महासंघ अर्घाखाँची जिल्ला अध्यक्ष अशोक खनाल, सचिव रुद्रमणि भुसाल, सचिव अनिल नेपाली, प्रगतिशील पत्रकार संघका केन्द्रीय सचिव गोपाल प्रसाद भट्टराई, संघका जिल्ला अध्यक्ष जितेन्द्र खत्री र विभिन्न मिडियाका पत्रकारहरुको उपस्तिथि थियो । साथै राजमोका केन्द्र, प्रदेश र जिल्लास्तरीय नेताहरुको उपस्थिति रहेको थियो।
राष्ट्रिय जनमोर्चा अर्घाखाँचीको अध्यक्षमा थम्मन केसी
संघीयताको विरोध गर्दा हाम्रा कार्यकर्ता ठाउँ-ठाउँमा कुटिए, जनताले बल्ल बुझ्दैछन् : केसी
