सन्तोष शिला सुनार, अर्घाखाँची ।
राष्ट्रिय जनमोर्चा, अर्घाखाँचीको पाचौँ जिल्ला सम्मेलन सम्पन्न भएको छ । शनिबार सम्पन्न सम्मेलनले थम्मन केसीको अध्यक्षतामा २९ पूर्ण र ९ वैकल्पिक र ९ सल्लाहकार सहितको जिल्ला समिति चयन गरेको छ ।
उपाध्यक्षमा गोपाल पौडेल, सचिव बाबुराम पन्थी, सहसचिव लीला भुसाल र कोषाध्यक्षमा गोविन्द विसी चयन हुनुभएको छ । ९ सदस्यीय सचिवालयमा कबिराम खनाल, कमलप्रसाद घिमिरे, भीमलाल आचार्य र जीवनारायण खनाल चयन हुनुभएको छ ।
पूर्ण सदस्यहरुमा साबित्रा घिमिरे, बिना थापा, तुलसा बन्जाडे, कमला थापा, विस्नु सारु, लीला थापा, सीता थापा, लक्ष्मी विक, खिमान्द बेल्वासे, कृष्ण सुनार, गोबिन्द थापा, वीरबहादुर कुँवर, निमिराज भट्टराई, गोपाल पान्डे, डिल बहादुरखत्री, सुदिप पन्थी, भोजराज खनाल, रुद्र पराजुली, डिल्दार हुसेन चयन हुनुभएको छ ।
वैकल्पिक सदस्यहरुमा कृष्ण बन्जाडे, विशाल खड्का, बालकृष्ण बराली, हरि आले, शशिधर बन्जाडे, बाबुराम खनाल, हिमलाल बन्जाडे चयन हुनु भएको छ। भने हाल १ स्थान रिक्त राखिएको छ।
यस्तै, सम्मेलनले टेकबहादुर थापा, खडक बहादुर थापा, बाबुराम बन्जाडे, जोगबहादुर सारु, मेघराज खनाल, नारायण घिमिरे, देवी भुसाल, कृष्ण सुनार र खिम नारायण पाण्डेलाई सल्लाहकार चयन गरेको छ ।
सम्मेलनले संगठनको सागठानिक प्रतिवेदन, विशेष प्रस्ताव र आर्थिक प्रतिवेदन पारित गर्नुका साथै विधान संशोधन गरेको छ ।
‘गणतन्त्र, राष्ट्रियताको रक्षा, संघीयताको खारेजीको लागि आन्दोलन १ वातावरण सन्तुलनसँगै समुन्नत अर्घाखाँचीको लागि पाचौँ जिल्ला अधिवेशन’ भन्ने मूल नाराका साथ आयोजना गरिएको जिल्ला सम्मेलनको उद्घाटन अध्यक्ष चित्रबहादुर केसीले गर्नुभएको थियो ।
सन्धिखर्कस्थित सभाहलमा शुक्रबार र शनिबार गरी दुई दिनसम्म चलेको सम्मेलनले नयाँ नेतृत्व चयन गरी सम्पन्न भएको हो । सम्मेलनले गरेका निर्णयबारे राजमोले आज (आइतबार) पत्रकार सम्मेलन गरी जानकारी दिँदै छ ।
संघीयताको विरोध गर्दा हाम्रा कार्यकर्ता ठाउँ-ठाउँमा कुटिए, जनताले बल्ल बुझ्दैछन् : केसी
