नयाँदिल्ली । मूल प्रवाह अखिल भारत नेपाली एकता समाज, भिवाडी नगर समितिको आयोजनामा भलिबल तथा घैटाफोर प्रतियोगिता सम्पन्न भएको छ ।
नगर सदस्य अमृतकुमार खड्काको सञ्चालन र डम्बर केसीको अध्यक्षताबाट अगाडि बढेको सो प्रतियोगिताको उद्घाटन प्रमुख अतिथि केन्द्रीय सदस्य बाबुराम बस्नेत र केन्द्रीय खेल विभागको सदस्य रामबहादुर थापाले गर्नुभएको थियो ।
त्यस्तै, केन्द्रीय परिषद् सदस्य काजिराम श्रेष्ठ, केन्द्रीय विद्यार्थी विभागकी सहसचिव कृष्टी राई, क्षेत्रीय समिति सदस्य रामप्रसाद घिमिरे, महिला नगर विभागकी अध्यक्ष कल्पना खड्का, विद्यार्थी नगर विभागका अध्यक्ष राजु खड्का र प्रवासी नेपाली सङ्घ राज्य समितिका रवि गुरुङ लगायतको आतिथ्य रहेको थियो ।
कार्यक्रममा उपस्थिति जनसमुदायलाई नगर सदस्य अर्जुन नेपालीले स्वागत गर्नुभएको थियोे ।
आठ टिमले भाग लिएको सो प्रतियोगितामा प्रथम पटौदी (ए) र द्वितीय पटौदी (बी) ले प्राप्त गरेको थियो । घैटाफोर प्रतियोगितामा प्रथम स्थान कल्पना खड्का र द्वितीय स्थान बाबुराम खड्काले प्राप्त गर्नुभएको थियो ।
