दार एस सलाम । तान्जानियाको पूर्वी क्षेत्र मोरोगोरोमा शनिबार बिहान भएको सडक दुर्घटनामा एकै परिवारका चार सदस्यको मृत्यु भएको एक अधिकारीले जनाउनु भएको छ ।

मोरोगोरो क्षेत्रका किलोसा जिल्ला आयुक्त माजिद म्वाङ्गाले स्थानीय समयानुसार बिहान करिब ९ः२० बजे मोरोगोरो–डोडोमा राजमार्गमा एउटा ट्रकसँग परिवार यात्रा गरिरहेको कार ठोक्किएर दुर्घटना भएको बताउनु भएको छ ।

परिवारका सदस्यहरु मध्ये एउटी आमा र उनको बच्चा बाँचेका तर उनीहरू घाइते भएका म्वाङ्गाले बताउनु भएको छ ।

सेन्ट जोसेफ हेल्थ सेन्टरका वरिष्ठ मेडिकल अफिसर मनिले कापोन्गोले केन्द्रमा दुई पुरुष, एक केटी र एक बालकसहित चारवटा शव प्राप्त भएको बताउनु भएको छ ।