टेकराज भुसाल , अर्घाखाँची ।
भूमिकास्थान नगरपालिका वडा न. १ मा गठबन्धन दलहरुको संयुक्त चुनावी सभा सम्पन्न भएको छ । सभालाई सम्बोधन गर्दै गठबन्धनका नेताहरुले संविधान बचाउन गठबन्धन गर्नुपरेको दाबी गरेका छन् ।
सोमवार भूमिकास्थान १ को ढाकावाङ्गमा आयोजना गरिएको कार्यक्रममा बोल्दै नेपाली काङ्ग्रेसका पूर्वकेन्द्रीय सदस्य तथा पूर्वमन्त्री रेवती भुसालले केपी ओलीले संविधान, गणतन्त्र र संघीयतालाई समाप्त पार्न खोजेकोले त्यसकाविरुद्ध ५ दलीय गठबन्धन बनेको बताउनुभयो ।
कार्यक्रममा राष्ट्रिय जनमोर्चा भूमिकास्थान नगर समिति सदस्य, निवर्तमान वडा अध्यक्ष तथा वडाअध्यक्ष पदका उम्मेदवार भोजराज खनाल र नेकपा (माओवादी केन्द्र) का लुम्बिनी प्रदेश समिति सल्लाहकार काशिराम गमालले कार्यक्रममा सम्बोधन गर्नुभएको थियो ।
कार्यक्रममा नेपाली काङ्ग्रेसका पुर्व महासमिति सदस्य अम्मर बहादुर थापा, नेकपा (माओवादी केन्द्र) का नगर कमिटी उपाध्यक्ष बाबुराम खनाल, अखिल (छैठौं) का केन्द्रीय सदस्य टेकराज भुसाल, नेपाली काङ्ग्रेसका पूर्वक्षेत्रीय सचिव युवराज खनाल, क्षेत्रीय सदस्य गोपाल प्रसाद खनाल लगायतको आतिथ्यता रहेको थियो।
कार्यक्रम नेपाली काङ्ग्रेस भूमिकास्थान १ का सभापति विष्णु प्रसाद खनालको अध्यक्षता, नगेन्द्र खनालको स्वागत र टेकन बेल्वासेको सञ्चालनमा सम्पन्न भएको थियो ।
भूमिकास्थानमा गठबन्धनको तर्फबाट राष्ट्रिय जनमोर्चाका केन्द्रीय सदस्य झविलाल थापा नगरप्रमुखको उम्मेदवारी हुनुहुन्छ भने उपप्रमुखमा माओवादीका बालकृष्ण बन्जाडे उम्मेदवार बन्नुभएको छ ।
