काठमाडौं । प्युठानको स्वर्गद्वारीमा बुधबार भएको सवारी दुर्घटनामा परी ५ जनाले ज्यान गुमाएको घटनाप्रति राष्ट्रिय जनमोर्चाले दुःख व्यक्त गरेको छ । जिल्ला प्रशासन कार्यालय गुल्मीका कर्मचारीहरु चढेको लु १ ज १६५५ नम्बरको जीप प्युठानमा दुर्घटना हुँदा ५ जनाको ज्यान गएको थियो ।
दुर्घटनामा १२ जना घाइते भएकामा गम्भीर घाइते ६ जनालाई हिजै थप उपचारका लागि हेलिकप्टरबाट काठमाडौं ल्याइएको थियो ।
राजमोका उपाध्यक्ष एवम् प्रवक्ता दुर्गा पौडेलले बिहीबार एक विज्ञप्ति प्रकाशित गरी दुर्घटनामा निधन भएकाप्रति श्रद्धाञ्जली अर्पण गर्नुभएको छ । उहाँले घाइतेहरुको उचित उपचारको व्यवस्था गर्न सरकारसँग माग गर्नुभएको छ । यस्तै, दुर्घटना न्यूनिकरणका लागि आवश्यक उपाय अपनाउन पनि सरकार, यातायात व्यवसायीलगायत सबैसँग आग्रह गर्नुभएको छ ।
वक्तव्यमा भनिएको छ,
प्यूठानको स्वर्गद्वारी नगरपालिका वडा नं. २ रुमालेमा बैशाख १ गते जीप दुर्घटना हुँदा ५ जनाको निधनभएको छ भने १२ जना घाइते भएका छन् । गुल्मीबाट स्वर्गद्वारी हिँडेको १६ जना सवार जीप दुर्घटनामा परेको थियो । दुर्घटनाबाट जिल्ला प्रशासन कार्यालय, गुल्मीका प्रशासकीय अधिकृत श्याम न्यौपाने, कम्प्युटर अपरेटर सूर्यप्रसाद पन्थी, खरिदार ईश्वरी भण्डारी, यमलालपन्थी र सवारी चालक केशवकार्कीको दुखद् निधनभएको खबरले हामी सबैलाई स्तब्ध बनाएको छ ।
दुर्घटनामा परी निधनभएका सबैप्रति हार्दिक श्रद्धाञ्जली अर्पण गर्दै शोकसन्तप्त परिवारजनप्रति गहिरो समवेदना व्यक्त गर्दछौं । घाइतेको शीघ्र स्वास्थ्यलाभको कामना गर्दछौं । घाइतेको हेलिकप्टरबाट उद्दार भइसकेको छ । घाइते सबैको उपचारको लागि ध्यान दिन अनुरोध गर्दछौं ।
लगातारको दुर्घटनाले सबैलाई चिन्तित बनाएको छ । केही महिना पहिले स्वर्गद्वारीमै ट्रयाक्टर दुर्घटना भएको थियो र रोल्पाका मजदूरको ज्यान गएको थियो । दुर्घटना न्यूनगर्नको लागि सरोकारवाला सबै अत्यन्तै गम्भीर हुनु आवश्यक छ । पुराना गाडीहरु हटाउने, बाटोको स्तरोन्नति गर्ने, ट्राफिक नियमहरु पालना गराउने जस्तान्यूनतम कार्य पनि हुन सकेका छैनन् । त्यसैले लगातार ठूलठूला दुर्घटना हुने गरेका छन् । आगामी दिनमा दुर्घटना न्यूनगर्नको लागि सरकार, ट्राफिक प्रहरी, यातायात व्यवसायी, गाडी धनी, ड्राइभरलगायत सरोकारवाला सबैले सचेततापूर्वक भूमिका निर्वाह गर्न अनुरोध गर्दछौं ।
यो पनिः जिल्ला प्रशासन कार्यालय गुल्मीका कर्मचारी चढेको गाडी दुर्घटना, प्रशाकीय अधिकृतसहित पाँच जनाको मृत्यु
