खिमराज चालिसे/चन्डीगढ (भारत) ।।
पत्नीले धोका दिएको भनिएका हरियाणा राज्यको हिसारका नेपाली युवा कुवेर सिंहको सडक दुर्घटनामा खुट्टा भाचिएको छ ।
उनलाई गत महिना नै पत्नीले छोडेर हिडेको बताइन्छ ।
दुई सानासाना छोराछोरी साथमा रहेका ती युवक परदेशमा दुर्घटनामा परेपछि रोजीरोटीको व्यवस्था गर्नसमेत समस्या थपिएको छ ।
शीतगङ्गा नगरपालिका वडा नं. २ झिरा, अर्घाखाँची निवासी कमानसिंह भाटक्षेत्रीको छोरा कुबेरसिंह भाटक्षेत्री भारतको हरियाणा राज्य हिसार बैङ्क कलोनीमा पत्नी, एक छोरा र एक छोरीसँग सामान्य काम गरेर जीविका चलाउदै आइरहेका थिए ।
गत २१ जनवरी २०२१ का दिन उनकी पत्नी जमुना क्षेत्रीले अचानक घर छोडी हिडेपछि यस सम्बन्धमा हिसारमा पुलिस थानामा प्राथमिकी दर्ज गरार्इ खोजतलास गर्दै आफ्नो ड्युटीलार्इ पनि निरन्तरता दिदै आइरहेका थिए कुबेरसिंह ।
२२ फेबु्रअरीको दिन कार्यस्थलबाट फर्कने क्रममा तीव्र गतिमा आइरहेको अज्ञात गाडीले रात ९ः४५ मा ठक्कर दिँदा उनको दाहिने खुट्टा भाचिएकाृ थियो । त्यसपछि २३ फेबु्रअरीका दिन अप्रेसन गरी उनलाई हिसारस्थित सूर्य हस्पिटलले हिजो फेबु्रअरी २५ का दिन डिस्चार्ज गरिसकेको मूल प्रवाह अखिल भारत नेपाली एकता समाज हिसार नगर स मितिका सचिव तारा सोमारेले बताउनुभएको छ।
सोमारेले पीडितको पक्षमा आवश्यक सहयोग गर्न प्रशासनसँग गाडीचालकलाई छिटो खोजतलास गर्न माग गर्दै मूल प्रवाह अखिल भारत नेपाली एकता समाजले आफै पनि पीडितलाइ हरसम्भव सहयोगको प्रयास गरिरहेको बताउनुभएको छ।
