काठमाडौं । नेकपा (एमाले) संसदीय दलका नेता रामबहादुर थापा ‘बादल’ले प्रधानमन्त्री वालेन्द्र शाह (बालेन) नेतृत्वको वर्तमान सरकारलाई ‘वालेन्द्रतन्त्र’को संज्ञा दिएका छन्।
बुधबार प्रतिनिधि सभाको बैठकमा बोल्दै बादलले लोकतन्त्र अहिले सर्वाधिक संकटमा रहेको दाबी गरे। उनले सरकारका गतिविधिमा अधिनायकवाद झल्किएको आरोप लगाउँदै २०१७ सालमा महेन्द्रतन्त्र, २०६१ सालमा ज्ञानेन्द्रतन्त्र स्थापित भएझैँ अहिले वालेन्द्रतन्त्र स्थापित भएको टिप्पणी गरे।
वर्तमान सरकारको शक्तिको स्रोत तीन ‘ए’
ता रामबहादुर थापा ‘बादल’ले वर्तमान सरकारको शक्तिको स्रोत तीन ‘ए’—आर्मी, अल्गोरिदम र अमेरिका रहेको दाबी गरेका छन्।
बुधबार प्रतिनिधिसभा बैठकलाई सम्बोधन गर्दै उनले यी शक्तिको आडमा सरकार नेतृत्वमा आए पनि पछिल्ला ‘जनविरोधी’ कामका कारण प्रधानमन्त्री वालेन्द्र शाह (बालेन)को राजनीतिक शक्ति क्रमशः कमजोर हुँदै गएको बताए।
उनले पपुलिज्म, अल्गोरिदम, अपर्चुनिज्म र तीन ‘ए’को प्रभाव घट्दै गएकाले प्रधानमन्त्री शाह एक्लोपन र छटपटी महसुस गरिरहेको टिप्पणी गरे।
‘पाकिस्तानी मोडल’
‘बादल’ले प्रधानमन्त्री वालेन्द्र शाह नेतृत्वको वर्तमान सरकारको कार्यशैलीप्रति तीव्र असन्तुष्टि सरकार ‘पाकिस्तानी मोडल’ हुँदै ‘उत्तर कोरियाली मोडल’तर्फ अघि बढिरहेको आरोप लगाए। उनले सरकारको आधार ‘आर्मी, अल्गोरिदम र अमेरिका’ रहेको दाबी गर्दै यी पक्षको साथ घट्दै जाँदा प्रधानमन्त्री शाह एक्लिँदै गएको बताए।
थापाले नेपाललाई ‘दोस्रो खम्पा विद्रोह’को थलो बन्न नदिने भन्दै चीनविरुद्ध नेपाललाई प्रयोग गर्न नहुने धारणा राखे। साथै, सरकारले तिब्बती गतिविधिलाई खुला रूपमा अनुमति दिएको आरोप लगाए।
महँगी, बेरोजगारी, आर्थिक संकट, लगानी पलायन तथा उद्योगीमाथिको धरपकड बढेको दाबी गर्दै उनले सरकारसँग समस्याको परिणाममुखी समाधान गर्ने कुनै स्पष्ट योजना नरहेको बताए। तेल र ग्यासको अभाव तथा बजार व्यवस्थापनमा समेत सरकार असफल भएको उनको आरोप थियो।
थापाले प्रधानमन्त्री शाहलाई राष्ट्रियता र जनजीविकाका मुद्दामा केन्द्रित हुँदै लोकतन्त्र र संसद्प्रति जिम्मेवार बन्न आग्रह गरे। सरकार ऐन–कानुनअनुसार सञ्चालन हुनुपर्ने उनको भनाइ थियो।