बागलुङबजार । “गणतन्त्र र राष्ट्रियताको रक्षा गरौँ, सङ्घीयता खारेज गरौँ” उद्घोषसहित सञ्चालित राष्ट्रिय जनमोर्चा बागलुङको विशेष संगठनात्मक अभियान सात ठाउँमा सम्पन्न भएको छ ।
२०८१ भदौ १३ गते बिहीबार बागलुङको हुग्दिसिर, दमेक, पैँयुपाटा, हटिया, दगा, टारिखेत र हर्पेमा गरी सात स्थानमा कार्यक्रम सम्पन्न भएको हो ।
टोली नम्बर १
टोली नं १ को कार्यक्रम बरेङ गाउँपालिकाको वडा नं. २ हुग्दिसिरमा सम्पन्न भएको छ ।
कार्यक्रममा राजमो गण्डकी प्रदेश उपाध्यक्ष धर्मबहादुर कुँवर, राजमो बागलुङका सचिवालय सदस्य तथा बरेङ गाउँपालिका अध्यक्ष कृष्ण पौडेल, जिल्ला सदस्य हीराबहादुर थापा, राजमो बरेङका सदस्य तुफान पुन, शेरबहादुर थापालगायतले मन्तव्य राख्नुभएको थियो ।
खुमराज शर्माको अध्यक्षता तथा मिनबहादुर पुनको सञ्चालन र प्रेमबहादुर थापाको स्वागत मन्तव्यसाथै उक्त कार्यक्रम सम्पन्न भएको थियो ।
टोली नम्बर २
टोली नं. २ को कार्यक्रम जैमिनी नगरपालिकाको वडा नं. ३ दमेकमा सम्पन्न भएको छ ।
कार्यक्रममा राजमो पूर्व केन्द्रीय सचिव कृष्ण अधिकारी, राजमो बागलुङका सदस्य ठाकुर पौडेललगायतले प्रशिक्षण मन्तव्य दिनुभएको थियो ।
टोली नं. ३
टोली नं. ३ को कार्यक्रम बागलुङ नगरपालिकाको वडा नं. १३ पैयुँपाटामा सम्पन्न भएको छ ।
कार्यक्रममा राजमो बागलुङका जिल्ला सदस्य लोकनाथ शर्मा, योगेन्द्र पौडेल, आशा रोकालगायतले मन्तव्य दिनुभएको थियो ।
कार्यक्रम प्रेमबहादुर रोकाको अध्यक्षता र टेकबहादुर आरसीको सञ्चालनमा सम्पन्न भएको थियो ।
टोली नं ४
टोली नं ४ को कार्यक्रम गलकोट नगरपालिकाको वडा नं. ३ हटियामा सम्पन्न भएको छ ।
कार्यक्रममा राजमो केन्द्रीय सदस्य राजेन्द्र ढुङ्गाना, राजमो केन्द्रीय सदस्य बेदीलाल सापकोटा, राजमो बागलुङका सल्लाहकार टङ्क केसी, राजमो जिल्ला सदस्य पदम श्रेष्ठ, लालबहादुर राना, अखिल नेपाल शिक्षक सङ्घ बागलुङका अध्यक्ष मित्रदत्त ढकाललगायतले शुभकामना दिनुभएको थियो ।
तुककुमारी श्रेष्ठको अध्यक्षता, खडक विकको सञ्चालन र यमबहादुर खडकाको स्वागतमा सो कार्यक्रम सम्पन्न भएको थियो ।
टोली नं. ५
टोली नं. ५ को कार्यक्रम बडिगाड गाउँपालिकाको वडा नं. १ दगामा सम्पन्न भएको छ ।
कार्यक्रममा राजमो बागलुङका सचिवालय सदस्य थानेश्वर सुवेदी, अखिल नेपाल युवक सङ्घका महासचिव भीमसेन वन, राजमो बागलुङका सदस्य बोमबहादुर थापा, सोमन्ता सलामी, बडिगाडमा पालिका सचिव विमल श्रीस, अखिल नेपाल जनजाति सम्मेलनका निम भुजेललगायतका अतिथिले मन्तव्य दिनुभएको थियो ।
कार्यक्रम यमबहादुर सलामीको अध्यक्षता, अनिल गिरीको सञ्चालन र नरेन्द्र घर्तीको स्वागत मन्तव्यसँगै सम्पन्न भएको थियो ।
टोली नं. ७
टोली नं. ७ को कार्यक्रम निसीखोला गाउँपालिकाको वडा नं. १ हर्पेमा सम्पन्न भएको छ । कार्यक्रममा राजमो केन्द्रीय सदस्य गौरीश्वर पाण्डे, राजमो बागलुङका सदस्य थमन घर्तीलगायतले मन्तव्य दिनुभएको थियो ।
झमानसिंह पुनको अध्यक्षता तथा राजु भण्डारीको सञ्चालनमा सम्पन्न भएको थियो ।
ढोरपाटन टारिखेतमा राजमोको प्रशिक्षण
ढोरपाटनमा बुझायो राष्ट्रिय जनमोर्चाले ज्ञापन
राष्ट्रिय जनमोर्चा गलकोटले बुझायो पालिकामा ज्ञापन
