शङ्करप्रसाद पोख्रेल, बुटवल ।
बुटवल । रुपन्देहीको बुटवल–१७ मोतिपुर मगर महिला समूह शिवनगरको छैटौँ साधारणसभा तथा दोस्रो अधिवेशन २०८० असोज १३ गते शनिबार सम्पन्न भएको छ ।
सबै वर्ग, समुदाय, जातजातिको भेषभूषा र संस्कृति संरक्षण गर्नुपर्नेमा जोड दिँदै सो कार्यक्रम सम्पन्न भएको हो ।
कार्यक्रममा बोल्ने वक्ताहरूले नेपाल चार जात छत्तिस वर्णको साझा फूलबारी भएकाले सबैका भाषा, भेषभुषा र संस्कृतिको संरक्षण गर्ने दायित्व राज्यको भएकोमा जोड दिए ।
कार्यक्रमका प्रमुख अतिथि बुटवल उपमहानगरपालिका वडा नम्बर १७ का वडाअध्यक्ष ज्ञानबहादुर रेश्मी हुनुहुन्थ्यो ।
सो अवसरमा पूर्व वडाअध्यक्ष सन्तबहादुर रानामगर, जनप्रतिनिधि रामप्रसाद न्यौपाने, तुल्सीराम न्चौधरी, मगर समाजकी अध्यक्ष राधिका गलामीमगर, मनकामना टोल विकास संस्थाका अध्यक्ष चन्द्रबहादुर घर्ती, जनशक्ति टोल विकास संस्थाका सचिव भेषराज पौडेल, पश्चिम महिला मगर सङ्घकी अध्यक्ष श्याममाया गुरुङलगायतले मन्तव्य राख्नुभएको थियो ।
महिला समूह शिवनगरकी अध्यक्ष कृष्णकुमारी दर्लामीको अध्यक्षता, सचिव रञ्जना सिंजालीको सञ्चालन र सुशीला बगालेको स्वागतमा उक्त कार्यक्रम सम्पन्न भएको हो ।
कार्यक्रममा अध्यक्ष कृष्णकुमारी दर्लामीले वार्षिक प्रगति प्रतिवेदन र कोषाध्यक्ष भुनुमाया सिँजालीले आर्थिक प्रतिवेदन प्रस्तुत गर्नुभएको थियो ।
साधारणसभा तथा दोस्रो अधिबेशनले रञ्जना सिँजालीमगरलाई अध्यक्षमा चयन गरेको छ ।
त्यस्तै, उपाध्यक्षमा झरना सूर्यवंसी, सचिवमा सुनिता भुजेल राजकोटी, सहसचिव लीला राजकोटी र कोषाध्यक्षमा रम्मा थापा रहनुभएको छ ।
समितिको सदस्यहरूमा हीरा थापा, दानुमाया राना, माधुरी रखाली, गीताकुमारी श्रीस, भूमिसिरा राना, मन्जु दर्लामी रहनुभएको छ ।
