नवराज पौडेल, कपिलवस्तु ।
विगत २०६० सालमा राष्ट्रिय जनमोर्चा छोडेर तत्कालिन माओवादीमा प्रवेश गरेका कपिलवस्तुका ज्ञानप्रसाद अधिकारी १६ वर्षपछि राजमोमै फर्किनुभएको छ । राजमो जिल्ला सदस्यसमेत रहेका अधिकारी माओवादीमा प्रवेश गरी हाल नेकपामा सक्रिय हुनुहुन्थ्यो ।

विगतमा पार्टी छोडेकोमा पछुतो मान्दै अधिकारीले राजमो जस्तो सिद्धान्तनिष्ठ र अनुशासित पार्टी नेकपा हुनै नसक्ने बताउनुभयो । अधिकारीलाई राजमो नेता केरसिंह अदैले सदस्यता प्रदान गरी पार्टीमा स्वागत गर्नुभएको थियो ।संगठनात्मक अभियानका क्रममा कपिलवस्तुका विभिन्न गाउँमा सदस्यता वितरणसँगै संगठन निर्माण अभियान जारी छ ।

त्यसै क्रममा आइतबार शिवराज नगरपालिका वडा नं २ मा भेला सम्पन्न भएको छ। भेलाले भिम बहादुर सोमैको अध्यक्षतामा ९ सदस्यीय वडा समिति गठन गरेको छ। समितिको उपाध्यक्षमा ज्ञान प्रसाद अधिकारी, सचिव देवि कुमारी छहारी मगर, कोषाध्यक्ष रहिस मिदुन मगर, सदस्यहरुमा हिमा पुन मगर, राम बहादुर श्रीस, तिलक राहदी तथा सल्हाकारमा देविराम अर्याल र मेनुका विक चयन हुनुभएको छ ।

यसैगरी, आइबार नै शिवराज नगरपालिका वडा नम्वर ३ धनगडामा कल्पना सुनारको अध्यक्षतामा ११ सदस्यीय टोल समिति गठन गरिएको छ । समितिको उपाध्यक्षमा सुर्य बहादुर खत्री, सचिव वेलौता विक, कोषाध्यक्ष शान्ता राना, सदस्यहरुमा देविका विक, पुनम कुमारी सुनार, मधु खनाल, सुनिता पुन, टेक प्रसाद विक, दिल कुमारी विक र सुर्य विक चयन हुनु भएको छ । सल्लाहकारमा अर्जुन पौडेल, झक बहादुर विक, करण पुन मगर र प्रकाश विक रहनु भएको छ ।

भेलामा राजमोका जिल्ला परिचालन समिती सदस्य तथा अन्टुकका केन्द्रीय सदस्य केर सिहं अदै, मूल प्रवाह अखिल भारत नेपाली एकता समाजका केन्द्रीय सदस्य नारायण शर्मा, जातीय समता समाजका जिल्ला सचिव प्रकाश विक लगाएतका नेताहरुको सहभागिता रहेको थियो ।

यो पनि पढ्नुहोस्ः

बहुजन समाजवादीका जिल्ला सचिव र राप्रपा नेत्री राजमोमा प्रवेश

दुई वर्षपछि कांग्रेस छोडेर मूल घर राजमोमै फर्किए रहिस र गौरी

नेकपा वडाअध्यक्ष र सदस्यका उम्मेदवारसहित सयौं जना राजमो प्रवेश

 राजमो कपिलवस्तुको संगठनात्मक अभियान सदस्यता वितरणसँगै सुरु