नवराज पौडेल,कपिलवस्तु । राष्ट्रिय जनमोर्चा परित्याग गरी दुई वर्ष अघि कांग्रेस प्रवेश गरेका कपिलवस्तुको शिवराज नगरपालिकाका ११ का रहिस कुजडा र गौरी बडई मूल घर राष्ट्रिय जनमोर्चामै फर्किनुभएको छ । राजमो छोडेकोमा पश्चाताप गर्दै मूल घरमा फर्केको बताउने रहिस र गौरीले राजमो जस्तो अनुशासित पार्टी देशमा अरु कुनै नभएको बताउनुभयो ।
शुक्रबार आयोजित पार्टी प्रवेश तथा वडा भेला कार्यक्रममा रहिसले भन्नुभयो, ‘हामीे पार्टी छोडेर कांग्रेसमा गयौं तर, दुई वर्ष त्यहाँ बसेपछि थाह भयो सिद्धान्त, राजनीति र अनुशासन सबै हिसाबले राजमो नै अब्बल रहेछ ।’
कार्यक्रममा उहाँहरु दुवै जनालाई अखिल नेपाल ट्रेड युनियन महासंघ (अन्टुक) का केन्द्रीय सदस्य केर सिंह अदैले सदस्यता दिँदै पुनः स्वागत गर्नु भएको थियो। कार्यक्रममा राजमोका जिल्ला सदस्य चेतनारायण खनाल, अखिल नेपाल महिला संघकी सल्लाहकार इन्द्रा खनाल, राजमो ४ नं वडा समितिका अध्यक्ष मान बहादुर बोहोरा लगाएतको उपस्थिती रहेको कार्यक्रमको सञ्चालन राम बहादुर चमार र स्वागत टोप बहादुर थापाले गर्नुभएको थियो ।
स्वागत कार्यक्रमसँगै भएको भेलाले शिवराज नगरपालिकाको वडा नं ११ मा राजमोको वडा समिति गठन गरेको छ । राम बहादुर चमारको अध्यक्षतामा गठित समितिको उपाध्यक्षमा गोपाल केसी, सचिवमा सुकइ पासी र कोषाध्यक्षमा कमला बुढा मगर चयन हुनु भएको छ । सदस्यहरुमा जाहरी यादव, मन्ना पासी, लेम कुमारी बन्जाडे, विर बहादुर कार्की र टोप बहादुर थापा रहनुभएको छ । सल्हाकारमा गिता बन्जाडे, र तरकु पासी रहनु भएको छ ।
राष्ट्रिय जनमोर्चाले सञ्चालन गरेको संगठनात्मक अभियान कपिलवस्तुमा पनि उत्साहका साथ चलिरहेको छ ।जिल्लाब्यापी रुपमा सदस्यता वितरण, संगठन निर्माण तथा जनभेटघाट भइरहेको राजमो कपिलवस्तुले जनाएको छ ।
यो पनि पढ्नुहोस्ः
नेकपा वडाअध्यक्ष र सदस्यका उम्मेदवारसहित सयौं जना राजमो प्रवेश
राजमो कपिलवस्तुको संगठनात्मक अभियान सदस्यता वितरणसँगै सुरु
