काठमाडौं । मुक्त कमैया पुनर्स्थापनाको माग गर्दै अखिल नेपाल जनजाती सम्मेलनले सुरु गरेको ‘कञ्चनपुर–दाङ अभियान’ उत्साहजनक रुपमा सम्पन्न भएको छ । अभियानले आइतबार दाङका प्रमुख जिल्ला अधिकारीलाई ज्ञापनपत्र बुझाउनुका साथै अन्तरक्रिया समेत गरेको सम्मेलनका महासचिव रामबहादुर बुढाले जानकारी दिनुभयो ।
सम्मेलनका अध्यक्ष निम बहदुर बुढाथोकीको नेतृत्वमा गएको टाृलीले दाङका प्रमुख जिल्ला अधिकारी गोबिन्द रिजाललाई ज्ञापनपत्र बुझाएको हो । यस्तै, दाङमा विभिन्न संघसंस्था एवं मुक्त कमैयाका प्रतिनिधिहरुको उपस्थितिमा अन्तरक्रिया कार्यक्रम गरिएको छ ।
यसअघि मुक्त कमैयाका समस्या समाधानका लागि दबाब दिन कञ्चनपुर, कैलाली, बर्दिया र बाँकका प्रमुख जिल्ला अधिकारीलाई ज्ञापन पत्र बुझाइएको छ भने पाँचवटै जिल्लामा अन्तरक्रिया कार्यक्रमहरु गरिएको थियो । ति जिल्लाहरुमा भएका अन्तरक्रियमा मुक्त कमैयाहरुको ब्यापक उपस्थिति रहेको थियो भने उनीहरुले राज्यले वर्षौंदेखि वेवास्ता गर्दा सहनुपरेको पीडा अवगत गराएका थिए ।
२०५७ साल साउन २ गते कमैया मुक्तिको घोषणा गरेपनि उनीहरुको वास्तविक पुनर्स्थापना अझै हुन सकेको छैन । दाङदेखि कञ्चनपुरसम्मका मुक्त कमैयाको उचित पुनर्स्थापनाको माग गर्दै जनजाती सम्मेलनले माघ ७ गते महेन्द्रनगरबाट अभियानको सुरुवात गरेको हो ।
कार्यक्रममा सम्मेलनका अध्यक्ष निमबहादुर बुढा, उपाध्यक्ष लालबहादुर राना, महासचिव रामबहादुर बुढा, केन्द्रीय सदस्य नरेश आलेलगायतका नेताहरुको नियमित टोली छ भने स्थानीयस्तरमा राजमो र अन्य जनवर्गीय संगठनकमा नेताहरु सामेल छन् ।
याे पनि पढ्नुहाेस्:
‘चुनावमा डाडु-भौजी भन्छन्, जितेपछि मुख देखाउन्नन्’
मुक्त कमैयाका दुखः लालपुर्जा हातमा, खेत खोलामा !
