कोलम्बो । श्रीलङ्काको संसद्ले स्थानीय इन्धन बजारमा विदेशी प्रतिस्पर्धालाई अनुमति खुला गरेको छ ।
यो कदमले सन् १९६० को दशकको सुरुमा तेल कम्पनीको राष्ट्रियकरणपछि पहिलोपटक अन्तर्राष्ट्रिय तेल कम्पनीलाई श्रीलड्ढामा पुनः प्रवेश गर्न म·लबारको निर्णयले मार्ग प्रशस्त गरेको हो ।
यद्यपि भारतीय आयल कर्पोरेसनले सन् २००३ देखि नै त्यहाँ इन्धन आपूर्तिका लागि अनुमति पाउँदै आएको थियो । निर्णयानुसार इन्धन बजारमा विदेशी प्रतिस्पर्धालाई अहिलेका लागि कम्तीमा एक वर्षको अनुमति प्रदान गर्ने छ ।
‘यसले विश्वव्यापी आपूर्तिकर्तालाई खुद्रा इन्धन वितरकको रूपमा प्रवेश गर्न अनुमति दिने छ’ ऊर्जामन्त्री कञ्चना विजेसेकेराले भन्नुभयो– ‘यसले ऊर्जा क्षेत्रमा उदारीकरण गर्ने छ ।’
अधिकारीहरूका अनुसार निजी कम्पनीले आफ्नै विदेशी विनिमय भण्डारबाट तेल आयातका लागि वित्तपोषण गर्नुपर्ने छ र आफ्नो मुनाफालाई कम्तीमा एक वर्षका लागि श्रीलङ्कामा नै राख्न सहमत हुनुपर्ने छ ।
इन्धनको चरम अभाव र कडा वितरणको बाध्यकारी अवस्था भएको श्रीलङ्कामा इन्धन आयातका लागि सरकारसँग विदेशी मुद्राअभाव रहेकाले नयाँ कानुन पारित गरिएको हो । (रासस/एएफपी)
