जीवन शाही, वीरेन्द्रनगर ।
कर्णाली प्रदेशका प्रथम मुख्यमन्त्री महेन्द्रबहादुर शाहीले कर्णाली प्रदेशको विकासका लागि अग्रसर हुने बताउनुभएको छ ।
कर्णाली प्रदेश स्थापनाको अवसरमा २०७९ भदौ ४ गते शुभकामना सन्देश जारी गर्दै उहाँले यस्तो बताउनुभएको हो ।
उहाँले कर्णाली प्रदेश स्थापनाको क्रममा सहिद भएकाको सपना पूरा गर्न आफूहरू प्रतिबद्ध रहेको पनि बताउनुभयो ।
‘भौगोलिक विकटता, आर्थिक विपन्नता, सामाजिक पछौटेपन र भौगोलिक विकासमा पछाडि रहेको कर्णालीलाई तीव्र सामाजिक, आर्थिक र भौतिक विकास गरि अघि ल्याउन हामी अग्रसर छौँ’ उहाँले भन्नुभययो– ‘हाम्रो अभियानमा सबै तह र तप्काको सहयोगका लागि आह्वान गर्दछु ।’
पूर्व मुख्यमन्त्री शाहीले कर्णालीबासीले आफ्नो प्रदेश प्राप्तिका लागि वलिदानीपूर्ण सङ्घर्ष गर्नुपरेको स्मरण गर्नुभयो ।
उहाँले हालको कर्णाली र सुदूर पश्चिम प्रदेशलाई एउटै प्रदेश कायम गरिएको विरोध तथा प्रदेशबासीका लागि छुट्टै प्रदेश स्थापना गरिनुपर्ने मागसहित १३ दिनसम्म चलेको जनआन्दोलन र चार जना सहिदको बलिदानीपश्चात नै कर्णाली प्रदेश स्थापना भएको बताएका छन् ।
