बागलुङ । आसन्न स्थानीय तहको निर्वाचन तयारीका लागि ताराखोला गाउँपालिकामा राष्ट्रिय जनमोर्चाको प्रशिक्षण भेला सम्पन्न भएको छ । भेलाले स्थानीय निर्वाचन सम्बन्धी विभिन्न निर्णय गरेको छ ।
प्रशिक्षण भेलामा राजमो बागलुङका उपाध्यक्ष धर्म कुँवर, राजमो गण्डकी प्रदेश सचिव बेदिलाल सापकोटा र बागलुङ जिल्ला सदस्य तिर्थसिंह थापाले मन्तब्य राख्नु भएको थियो ।
भेलाले स्थानीय निर्वाचनका लागि तिर्थसिंह थापाको संयोजकत्वमा ७ सदस्यीय निर्वाचन परिचालन समिति गठन गरेको छ । यस्तै, सस बहादुर चोखालको संयोजकत्वमा ११ जनाको सचिवालय रहेको निर्वाचन प्रचारप्रसार समिति, भिम बहादुर चोखालको संयोजकत्वमा ९ सदस्यीय आर्थिक समिति र सम्मर बहादुर थापाको संयोजकत्वमा १३ जनाको सचिवालय रहेको स्वंयसेवक परिचालन समिति समेत चयन गरेको छ ।
कार्यक्रम डम्मर थापाको अध्यक्षता, गणेश चोखालको सञ्चालनमा सम्पन्न भएको थियो ।
