‘कामरेड जलजला’ उपन्यासको पहिलो संस्करणमा दुई हजार प्रति पुस्तक प्रकाशित गरिएको थियो । अहिले उक्त उपन्यास कतै उपलब्ध छैन । तर नेपालभित्र र विदेशबाट समेत विभिन्न ठाउँबाट पुस्तकको माग भइरहेको छ। त्यसैले यसको दोस्रो संस्करण प्रकाशित गर्नुपर्ने आवश्यकता भएको छ ।

उक्त पुस्तक दुई हजार प्रति छाप्नका लागि करिब १५ लाख रुपैयाँ र एक हजार प्रति छाप्नका लागि करिब १० लाख रुपैयाँ खर्च लाग्ने अनुमान छ । हार्ड कभरको सट्टा पेपर कभरमा छापिएमा त्यसको मूल लागत केही कम हुन सक्नेछ ।

अहिले हामी स्वयं उक्त पुस्तक प्रकाशन गर्ने वा त्यसको मार्केटिङ गर्न सक्ने आर्थिक अवस्थामा छैनौँ । त्यसैले कुनै प्रकाशक संस्था, व्यक्ति वा केही व्यक्तिहरूले मिलेर उक्त पुस्तक प्रकाशित गर्न चाहेमा हामीसँग सम्पर्क गर्नुहुन अनुरोध गर्दछौँ ।

उक्त उपन्यासको अंग्रेजी अनुवादको संस्करण अमेजन अमेरिकाबाट प्रकाशित भएको छ । त्यसको आकार केही ठूलो भएको हुनाले त्यसलाई तीन खण्डमा प्रकाशित गरिएको छ । तर एकातिर नेपालमा अमेजनको व्यवसाय नभएका कारण नेपालको बजारमा उक्त पुस्तक आउन सकेको छैन । अर्कातिर, त्यसको मूल्य अमेरिकी डलरमा भएकाले केही महँगो पर्न जाने हुँदा नेपालमा मगाएर बिक्री गर्न पनि कठिन भएको छ । भारतमा यसको प्रकाशन हुन सकेमा मूल्य केही कम हुन सक्ने भएकाले त्यसका लागि हामीले पहल पनि गरिरहेका छौँ ।

त्यसैगरी, उक्त उपन्यासको हिन्दी अनुवादको काम पनि भइरहेको छ । अनुवादको काम पूरा भएपछि भारतमा कुनै प्रकाशक खोजेर त्यसलाई प्रकाशित गर्न हामीले प्रयत्न गर्नेछौँ ।

दुर्गा पौडेल
सम्पर्कको लागि
फोन : ९८५११९८८१०
इमेल : Paudeldurga21@gmail.com