काठमाडौँ । मूल प्रवाह अखिल भारत नेपाली एकता समाजले लोकतन्त्रको रक्षाका लागि एकजुट हुन सम्पूर्ण भारतस्थित नेपालीसित अनुरोध गरेको छ ।
सेप्टेम्बर ११, २०२५ (भदौ २६ गते) राति प्रेसवक्तव्य जारी गर्दै मूल प्रवाहले यस्तो अनुरोध गरेको हो ।
मूल प्रवाहले भारतस्थित नेपालीमा भय र अन्यौलको अवस्था रहेकोमा आधिकारिक सूचनालाई विश्वास मान्न आग्रह गरिएको छ ।
वर्तमान राजनीतिक निकासको सन्दर्भमा मूल प्रवाहले गणतन्त्र, धर्मनिरपेक्षता, समावेशी समानुपातिक पद्धति, मौलिक अधिकार वा बहुदलीय व्यवस्थाको रक्षामा जोड दिएको छ ।
देशका अन्यौलपूर्ण राजनीतिक अवस्थामा सुधारको नाममा संविधान वा बहुदलीय व्यवस्था बाहिरबाट समाधान खोज्ने सोचाइलाई मूल प्रवाहले गलत मानेको छ ।
आन्दोलन मृत्यु भएकाप्रति श्रद्धाञ्जली, घाइतेको शीघ्र स्वास्थ्यलाभको कामना व्यक्त गर्दै वक्तव्यमा सार्वजनिक सम्पत्तिमा तोडफोड र आगजनी भएकोमा दुःख व्यक्त गरिएको छ ।
