काठमाडौं । कर्णाली प्रदेशमा मंगलबार एक राज्यमन्त्रीसहित ६ जना नयाँ मन्त्री नियुक्त भएका छन् ।
सत्तारुढ दल नेकपा माओवादी केन्द्र र नेकपा एमालेबाट तीन÷तीन जना नयाँ मन्त्री नियुक्त भएका हुन् ।
नवनियुक्त एक राज्यमन्त्रीसहित पाँच मन्त्रीले मंगलबार नै शपथ लिएका छन्। मंगलबार तथा गोपनीयताको शपथ ग्रहण गराएका हुन्।
माओवादीबाट आर्थिक मामिला तथा योजना मन्त्रीमा रूकुमपश्चिमका महेन्द्र केसी, उद्योग, पर्यटन, वन तथा वातावरण मन्त्रीमा दुर्गबहादुर रावत र सामाजिक विकास मन्त्रीमा वीरबहादुर शाही नियुक्त भएका छन्।
यस्तै, एमालेबाट भूमि, व्यवस्था, कृषि तथा सहकारी मन्त्रीमा विनोदकुमार शाह, भौतिक पूर्वाधार तथा सहकारी विकासमन्त्रीमा शेरबहादुर बुढा र भौतिक पूर्वाधार तथा सहकारी विकास राज्यमन्त्रीमा गमता विक नियुक्त भएका छन्।
शपथ ग्रहण समारोहमा एमालेबाट कृषि मन्त्री नियुक्त भएका विनोदकुमार शाह भने उपस्थित भएनन् । शाह मुख्यमन्त्री यामलाल कँडेलप्रति असहमति जनाउँदै शपथ ग्रहणमा नगएका हुन् ।
दलभित्र कुनै छलफल नगरी मुख्यमन्त्रीले आफूखुशी मन्त्रीहरूको नाम सिफारिस गरेको उनको भनाई छ ।
कँडेल एमालेबाट मुख्यमन्त्री बनेका हुन् ।
