काठमाडौं । सुनको अवैध पैठारी (तस्करी) नियन्त्रणसम्बन्धी जाँचबुझ आयोगले प्रहरीको केन्द्रीय अनुसन्धान ब्युरो सीआईबीले सुन तस्करीसम्बन्धी अनुसन्धानका क्रममा गम्भीर त्रुटी गरेको जनाएको छ ।
आयोगले ब्यूरोका प्रमुख एआईजी किरण बज्राचार्यलाई कारबाही गर्न सिफारिस गरेको छ । यस्तै, एसपी सञ्जयसिंह थापा, डीएसपीद्वय दुर्गाराज दाहाल र रुगम कुँवरलाई पनि आयोगले कारबाही गर्न सिफारिस गरेको छ ।
बिहबार उपप्रधान एवं गृहमन्त्री रवि लामिछानेलाई जाँचबुझ आयोगले बुझाएको प्रतिवेदन आज गृहमन्त्रीले प्रधानमन्त्रीलाई बुझाएका छन् । प्रतिवेदन बुझ्दै प्रधानमन्त्री पुष्पकमल दाहाल प्रचण्डले सुन तस्करी प्रकरणमा जोसुकै सामेल भएपनि कारबाही गर्न निर्देशन दिएको गृहस्रोतले जनाएको छ ।
आयोगको सिफारिसका आधारमा गृहमन्त्री लामिछानेले सीआईबी प्रमुख बज्राार्यलाई कारबाही गर्ने तयारी गरेका छन् ।
स्रोतका अनुसार आयोगले पूर्वसभामुख कृष्णबहादुर महरालगायत केही व्यक्तिलाई सुन तस्करीमा मुद्दा चलाउन सिफारिस गरेको छ ।
यसअघि महरा र उनका छोरा राहुलको तस्करीमा संलग्नता देखिएपनि सीआईबीले राहुललाई मात्रै प्रतिवादी बनाएको थियो ।
