बुटवल । प्रगतिशील पत्रकार संघ, नेपालका अध्यक्ष श्याम पोखरेल सम्मानित हुनुभएको छ ।
पश्चिमाञ्चल यातायात व्यवसायी समिति, बुटवलले अध्यक्ष पोखरेललाई उत्कृष्ट पत्रकारिता पुरस्कारबाट सम्मानित गरेको हो ।
शुक्रबार बुटवलमा आयोजित समितिको २३ औँ साधारण सभा तथा १३ औँ अधिवेशनका अवसरमा अध्यक्ष पोखरेलसहित प्रगतिशील पत्रकार संघका केन्द्रीय सल्लाहकार सुमन अधिकारीलाई पनि सम्मान गरेको छ ।
अध्यक्ष पोखरेल लुम्बिनी टेलिभिजन र नयाँ दिशा अनलाइनमा क्रियाशील हुुनुहुन्छ भने अधिकारी दैनिक पत्रमा कार्यरत रहनुभएको छ ।
कार्यक्रममा पश्चिमाञ्चल यातायात व्यवसायी समितिले सोही अवसरमा राज्य टेलिभिजमा कार्यरत यमलाल भुसाल र बुटवल टुडेमा कार्यरत मीना ढकाललाई पनि सम्मानित गरेको छ ।
प्रगतिशील पत्रकार संघका सल्लाहकार अधिकारीलाई केही दिनअघि रूपन्देही व्यापार संघलेसमेत उत्कृष्ट पर्यटन पत्रकारिता पुरस्कारबाट पुरस्कृत गरेको थियो।
उत्कृष्ट पत्रकारिता पुरस्कारबाट सम्मानित भएपछि अध्यक्ष पोखरेलले आफूहरूको जिम्मेवारी अझ थपिएको महशुस भएको बताउनुभयो ।
युगदर्शनसँग संक्षिप्त कुराकानी गर्दै अध्यक्ष पोखरेलले प्रगतिशील पत्रकार संघमा आवद्ध दुईजना पत्रकार जनस्तरबाट सम्मानित हुनु खुशीको कुरा भएको बताउनुभयो ।
