काठमाडौं । गएराति कपिलबस्तुमा बस दुर्घटना हुँदा १० जनाको ज्यान गएको छ ।
पूर्वपश्चिम राजमार्गमा पर्ने कपिलवस्तुको शिवराज नगरपालिका–१ सुरही पुल नजिकै गएराति १२ बजे सुदूरपश्चिम प्रदेश ०२–००१ ख ००९८ नम्बरको बस सडकबाट दुई सय मिटर तल खसेर दुर्घटनामा परेको हो।
सुनौलो महाकाली यातायातद्वारा सञ्चालित उक्त बस महेन्द्रनगरबाट ४० जना यात्रु लिएर काठमाडौँ आउँदै थियो।
प्रहरीका अनुसार ज्यान गुमाउने १० जनाकै सनाखत भएको छ। मृतक ७ जना कञ्चनपुरको भीमदत्त नगरपालिकाका रहेका छन् । अधिकांश घाइते पनि भीमदत्तनगरकै छन् ।
दुर्घटनामा ७ जनाको मृत्यु र कैयौँ घाइते भएपछि भीमदत्त नगरमा शोक छाएको छ ।
जिल्ला प्रहरी कार्यालय कपिलबस्तुका सूचना अधिकारी डीएसपी हरिबहादुर ओलीका अनुसार दुर्घटनामा ज्यान गुमाउनेमा रौतहटको चन्द्रपुर नगरपालिका ३ पौराहीका ४६ वर्षीय नारायण भण्डारी, सल्यानको सेमिखाल- ३ का ४१ वर्षीय अर्जुनकुमार योगी, भारतको उत्तर प्रदेशका ५५ वर्षीय सकिल अहमद मुसलमान, कञ्चनपुरको भीमदत्त नगरपालिका १ का करिब २७ वर्षीय राहुल राम कामी, कञ्चनपुरकै भीमदत्त नगरपालिका- ४ का करिब १७ वर्षीय किशोर उमेश भण्डारी, भीमदत्त- ६ का २७ वर्षीय सञ्जु थापा (महिला), भीमदत्तकै २१ वर्षीया खगेश्वरी खाती, भीमदत्त- २ का २२ वर्षीय सुदीप भट्ट, कञ्चनपुरकै पुनर्वास नगरपालिका- ९ बिचफाँटाकी विमला देवी भट्ट र सोही ठाउँका विसन दत्त भट्ट छन्।
उनीहरुमध्ये धेरैको घटनास्थलमै र केहीको अस्पतालमा उपचारको क्रममा मृत्यु भएको हो। दुर्घटनामा घाइते हुने २८ जनामध्ये गम्भीर अवस्थाका ९ जनालाई थप उपचारको लागि बुटवल रिफर गरिएको छ।
यी हुन् दुर्घटनाका गम्भीर घाइते
गम्भीर घाइते ९ जनालाई बुटवल रेफर गरिएको छ। उनीहरुको चौराहा अस्पताल बुटवलमा उपचार भइरहेको जिल्ला प्रहरी कार्यालय कपिलवस्तुका प्रहरी उपरीक्षक नवरत्न पौडेलले जानकारी दिए।
बुटवल रेफर हुनेमा नेपाली सेनामा कार्यरत लोकबहादुर कार्की, दुर्घटनामा परेको बसका चालक कञ्चनपुरका पूर्णबहादुर चन्द, सोही बसका सहचालक कञ्चनपुरकै केशव हमाल, कैलालीका २४ वर्षीय महेश सुनार, राप्ती सोनारी- २ बाँकेका २३ वर्षीय सुशिल कुँवर, गुल्मी मालिका- ७ का २९ वर्षीय अर्जुन कार्की, भीमदत्त नगरपालिका कञ्चपुरका सन्तोष चौधरी, बैतडीका २२ वर्षीय राजेश दयाल र मितेस सुनार छन्।
अन्य घाइते
गोरखाको शहिद लखन गाउँपालिका –७ वस्ने वर्ष ३० का मनोज विक, दार्चुलाको शैल्य शिखर नगरपालिका–३ का २४ वर्षीय नवीन भट्ट नेपाली, कन्चनपुरको भीमदत्त-१४ वस्ने वर्ष ३३ की गिता कुँवर, उनका छोरा वर्ष १२ का नवीन कुँवर, ओखलढंगा झारपुर गापा वडा नं नखुलेको वर्ष १९ का बिसन भुजेल, कन्चन्पुरको शुक्लाफाँटा नपा ११ वस्ने वर्ष ३१ का मोहन सिङ लोहार, काठमाडौँ माहानगरपालिका– ३ वस्ने वर्ष ४१ का अनिल तन्डुकार, कन्चनपुरकै भीमदत्त नपा १६ वस्ने वर्ष ५४ की नारायणी थापा, सोही ठाउँका वर्ष २८ का दिपेन्द्र बोहोरा, कैलाली लम्किचुहा नपा–१ वस्ने वर्ष २७ की रेखा आचार्य, कन्चनपुर भीमदत्त नपा–१८ वस्ने वर्ष ४१ की शान्ति सिङ, कैलालीका वर्ष ३२ को गणेश काफ्ले, उनकी श्रीमती वर्ष २७ कि रेखा आचार्य, उनीहरुकी छोरी वर्ष ३ कि सृष्टि, भारत उत्तर प्रदेश मुद्राबास वस्ने बर्ष ३५ का मोहमद रिजन, भारतकै वर्ष ५४ का अनिस मनियार, धादिङ सिप्ले गापा–२ वस्ने वर्ष २५ का कृष्ण नेपाली, कन्चनपुर भीमदत्त नपा १९ बस्ने बर्ष २० का सुमन बिष्ट, कन्चनपुर भीमदत्त नपा – १ बस्ने वर्ष २० का मनोज सिँह धामी, सोही ठाउँका वर्ष २० का अशोक सिंह र कन्चनपुर भीमदत्त नपा ४ बस्ने वर्ष ३६ का ज्ञानेन्द्र पाल छन्।
उनीहरु सबैको स्थानीय अस्पतालहरुमा उपचार भइरहेको प्रहरीले जनाएको छ।
