काठमाडौं । नेपाली कांग्रेसका नेता डा. शशांक कोइरालाले प्रधानमन्त्री पुष्पकमल दाहाल प्रचण्डले सजिलै पद नछाड्ने बताएका छन् ।

बिहीबार नवलपुरमा सञ्चारकर्मीहरुसँग कुरा गर्दै नेता कोइरालाले प्रचण्ड ‘म्यानुपुलेटिभ’ (चलखेल गर्ने) व्यक्ति भएको बताए ।

‘प्रचण्डजी अत्यन्त सुर मान्छे हुनुहुँदोरहेछ। म्यानुपुलेटिभ। उहाँले चाहिने प्रधानमन्त्री पद छोड्नुहुन्न’ उनले थपे, ‘सजिलरी छोड्नुहुन्न ।’

पूर्व समझदारीअनुसार प्रचण्डपछि माधवकुमार नेपाल र त्यसपछि शेरबहादुर देउवा प्रधानमन्त्री हुनुपर्ने उनले बताए ।

उनले सरकारको कामकारबाहीप्रति पनि असन्तुष्टि जनाए ।

उनले पार्टीको आसन्न महासमिति बैठकमा संघीयता र धर्मनिरपेक्षताको विषयमा छलफल हुने बताए।

उनले धर्मनिरपेक्ष शब्द हटाउनुपर्ने सुझाव पनि दिए। धर्मको बारेमा अघिल्लो महासमिति बैठकमै ७०० जनाले लिखित रुपमा दिएको बताए ।