काठमाडाैं । धनुषाको मुखियापट्टी मुसहरनिया गाउँपालिका अध्यक्ष जयकुमार यादवमाथि भौतिक आक्रमण भएको छ।
Advertisement
जनकपुरधाम प्रादेशिक अस्पताल अस्पतालमा उपचाररत स्थानीयको स्वास्थ्य अवस्था बुझी आफ्नो निवास फर्कने क्रममा सात आठजनाको संख्यामा आएको अज्ञात समूहले यादवमाथि आक्रमण गरेको थियो।
आक्रमणकारीलाई तत्काल पक्राउ गरी कारबाही गर्न जनता समाजवादी पार्टी (जसपा)ले माग गरेको छ।
जसपा धनुषा जिल्ला समितिले विज्ञप्ति निकाली दोषीमाथि २४ घण्टाभित्र कारबाही नभए स्थानीय प्रशासनविरुद्ध आन्दोलन गर्ने चेतावनी दिएको छ।
