इन्द्रमणि पाण्डे, बागलुङ बजार ।
बागलुङको ढोरपाटनमा अखिल नेपाल किसान महासङ्घ (अप्फा) को नगर भेला तथा प्रशिक्षण कार्यक्रम सम्पन्न भएको छ ।
महासचिव तुल्सी सापकोटाको प्रमुख आतिथ्यमा २०८० पुस २६ गते बिहीबारका दिन सो कार्यक्रम सम्पन्न भएको हो ।
भेलालाई सम्बोधन गर्दै सापकोटाले किसानहरूले सङ्गठित सङ्घर्ष नगरे झन् ठूलो समस्या आउने र खेती तथा उत्पादन प्रणालीमा आधुनिकताको विकास हुन नसक्ने ठहर गर्नुभयो ।
आफूहरूले देशव्यापी रूपमा सङ्घर्ष तथा सङ्गठन निर्माण जस्ता कार्यहरू गर्ने सिलसिलामा ढोरपाटनमा पनि कार्यक्रम गरिएको उहाँले जानकारी दिनुभयो ।
कार्यक्रममा राष्ट्रिय जनमोर्चाका केन्द्रीय सदस्य गौरिश्वर पाण्डेले सङ्ठनको एकतामा बल हुने भन्दै किसानको समस्या समाधान गरी एकताबद्व भएर सङ्घर्ष गर्नुपर्ने आवश्यकतामा जोड दिनुभयो ।
सो अवसरमा अखिल नेपाल बुद्धिजीवी सङ्घका केन्द्रीय सदस्य धनबहादुर कुँवर, अखिल नेपाल जनजाति सम्मेलनका केन्द्रीय सदस्य तमबहादुर घर्ती, अखिल नेपाल महिला सङ्घकी ढोरपाटन नगर अध्यक्ष धनकुमारी कुँवर, अखिल नेपाल राष्ट्रिय स्वतन्त्र विधार्थी युनियन (छैठौ) का केन्द्रीय सदस्य विमल पाण्ड,े जातीय समता समाजका केन्द्रीय सदस्य नरबहादुर सुनार, रक्तिम सांस्कृतिक अभियान जिल्ला अध्यक्ष सहविन अर्गेजालगायतले मन्तव्य राख्नुभएको थियो ।
अध्यक्षमा खरेल
भेलाले तुल्सिराम खरेल अध्यक्ष रहनुभएको ११ सदस्यीय अप्फाको नगर समिति गठन गरेको छ ।
समितिको उपाध्यक्षमा अविन महत, सचिवमा ओमबहादुर पाण्डेक्षेत्री, सहसचिवमा मित्रलाल पौडेल र कोषाध्यक्ष ज्ञानबहादुर भण्डारी रहनुभएको छ ।
त्यस्तै समितिको सदस्यहरूमा टेकलाल पाण्डे, याम सुनाम रहनुभएको छ ।
