टुकबहादुर रामदाम (मस्कट ओमान) ।
निस्वार्थ भावना सेवा गर्ने हाम्रो चाहाना भन्रे मूल नाराका साथ सामाजिक कार्यमा सक्रिय रहेको गुल्मी सेवा समाज ओमानले फोक्सो सम्बन्धी बिरामी पीडितलाई आर्थिक सहयोग हस्तान्तरण गरेको छ ।
गुल्मी जिल्ला छत्रकोट गाउँपालिका–३ चल्खु निवासी खुमबहादुर बुचाँ ज्युलाई (२५,५०७) पच्चीस हजार पाँच सय सात रुपैयाँ सहयोग गरेको हो ।
विगत धेरै बर्ष देखि फोक्सोमा समस्या भई उपचार्थ बिरामी अहिलेसम्म निको नभएको र बुचाँ ज्युको उपचारमा थुप्रै रकम खर्च भइसकेको घरको आर्थिक अवस्था पनि निकै नाजुक बन्दै गएपछि थप उपचारका लागि समाजसँग सहयोगको अपिल गरिएको थियो ।
समाजमा आएको उक्त अपिललाई समाजका सदस्य श्रीबहादुर बुचाँको विशेष पहलमा संस्थागत र विभिन्न सहयोगी व्यक्तिहरु मार्फत् आर्थिक सहयोग सङ्कलन गरिएको उक्त सहयोग रकम श्रीबहादुर बुचाँ र सोही गाउँका समाजसेवी गुमान सिङ पुन ज्युले पीडितलाई हस्तान्तरण गर्नु भएको थियो ।
गुल्मी समाज ओमानले बिरामीको उपचारमा केही मात्रमा भए पनि राहत मिल्ने आशा गर्दै बिरामीलाई पुन सिघ्र स्वस्थ्य लाभको कामना गरेको छ साथै सहयोग सङ्कलनमा हातमा हात मिलाउनु हुने सम्पूर्ण सहयोगी मनहरुलाई पनी समाजले धन्यवाद व्यक्त गरेको छ ।
