काठमाडौँ । राष्ट्रिय जनमोर्चाका अध्यक्ष तथा प्रतिनिधिसभाका सांसद चित्रबहादुर केसी भूकम्पप्रभावित क्षेत्र जाजरकोट र रुकुम पुग्दै हुनुहुन्छ ।

राजमो केन्द्रीय कार्यालयले दिएको जानकारीअनुसार आज २०८० कात्तिक १९ गते आइतबार उहाँ जाजरकोटतर्फ हिँड्दै हुनुहुन्छ ।

‘आज दिउसो सडकमार्गमार्फत उहाँ जाजरकोटतर्फ लाग्दै हुनुहुन्छ’ राजमो केन्द्रीय कार्यालयले युगदर्शनलाई जानकारी दिएको छ ।

उहाँसँग उपाध्यक्ष जनकराज शर्मा, राजमो केन्द्रीय सदस्य रत्नविक्रम राना प्यासी, अखिल (छैठौं) का अध्यक्ष देवेन्द्र कुँवर, राजमो कर्णाली प्रदेशका अध्यक्ष पूर्णबहादुर शाहीलगायतको टोली जान लागेको हो ।

अध्यक्ष केसीसहितको टोलीले भूकम्पप्रभावित जाजरकोट, रुकुम पश्चिमलगायत क्षेत्रको स्थलगत भ्रमण गर्ने छ ।