काठमाडौँ । राष्ट्रिय जनमोर्चा केन्द्रीय कार्यालयले काठमाडौँ कपन–ज्योतिनगरस्थित केन्द्रीय कार्यालय भवनको संशोधित नामावली जारी गरेको छ । उक्त नामबारे कुनै संशोधन वा छुट भएमा कात्तिक १२ गते आइतबारसम्म जानकारी दिन पनि राजमोले आग्रह गरेको छ ।
२०८० कात्तिक ९ गते बिहीबार ११० ओटा नयाँ नाम समावेश गर्दै संशोधित नामावली जारी गरिएको हो ।
यसअघि कात्तिक १ गते राजमो केन्द्रीय कार्यालयले १०,००० रुपियाँभन्दा बढी सहयोग गर्ने २९ पृष्ठमा ९६३ जना सहयोगदाताको नामावली प्रकाशन गरेको थियो ।
अहिले प्रकाशित नामावली ३३ पृष्ठको छ भने त्यसमा १,०७३ ओटा सहयोगदाताको नाम समावेश गरिएको छ ।
‘पहिलेकै निर्णयअनुसार १०,००० रुपियाँभन्दा बढी सहयोग गर्ने सहयोगदाताको नाम शिलालेखमा लेख्ने निर्णयअनुसार अहिले दोस्रोपटक नामावली प्रकाशन गरिएको छ’ राजमोले युगदर्शनसित भनेको छ– ‘अहिले प्रकाशन भएका सबै ३३ ओटा पृष्ठका १,०७३ नाम पढेर आफ्नो नाम छुटेको वा नाममा संशोधन गर्नुपर्ने भए केन्द्रीय कार्यालयमा सिधै वा सम्बन्धित जिल्लामार्फत कात्तिक १२ गतेभित्र जानकारी गराउनुहोला ।’
राजमोले १०,००० रुपियाँभन्दा बढी सहयोग गर्नेहरूले आफ्नो नाम जानकारी गराउँदा सहयोग गरेको सबुत, प्रमाण पनि उपलब्ध गराउन आग्रह गरेको छ ।
‘पहिले जारी गरिएको नामावलीमा संशोधनका लागि हामीलाई प्राप्त भएका सूचनाको आधारमा १०,००० रुपियाँभन्दा बढी सहयोग गर्ने सहयोगदाताको नाम थप गरिएको छ’ कार्यालयले अगाडि भनेको छ– ‘अझै छुट भएका सबुत, प्रमाणसहित जानकारी दिन अनुरोध गर्दछौँ ।’
यस्तो छ नामावली
