काठमाडौँ । नेकपा (मसाल) ले उपप्रधान तथा गृहमन्त्री नारायणकाशी श्रेष्ठको शीघ्र स्वास्थ्यलाभको कामना व्यक्त गरेको छ ।

महामन्त्री मोहनविक्रम सिंहको हस्ताक्षरमा २०८० कात्तिक ४ गते शनिबार जारी प्रेसवक्तव्यमा स्वास्थ्यलाभको कामना गरिएको हो ।

वक्तव्यमा भनिएको छ :

“कामरेड नारायणकाजी श्रेष्ठ बिरामी भई अस्पतालमा उपचाररत भइरहेको जानकारी प्राप्त भएको छ । हामीले उहाँको शीघ्र स्वास्थ्यलाभको कामना गर्दछौँ ।”

नेकपा (माओवादी केन्द्र) का नेतासमेत रहनुभएका श्रेष्ठ बी.आर.आई. सम्मेलनमा भाग लिन चीनमा पुगेकै बेला हर्ट अट्याक भएको थियो । यतिखेर उहाँको चीनमा नै उपचार भइरहेको छ ।

मन्त्री श्रेष्ठको सचिवालयका अनुसार उहाँ खतरामुक्त हुनुहुन्छ ।