कृष्ण केसी, चितवन । चितवनमा विश्व ट्रेड युनियन महासङ्घको ७८ औँ स्थापना दिवस सम्पन्न भएको छ ।
२०८० असोज १६ गते मङ्गलबार राष्ट्रिय जनमोर्चाका केन्द्रीय सदस्य डम्मर पुरीको आतिथ्यतामा सो कार्यक्रम सम्पन्न भएको हो ।
कार्यक्रममा बोल्दै पुरीले विश्वको मजदुर आन्दोलन र ट्रेड युनियनको भूमिका बारे प्रकाश पार्नु भएको थियो ।
कार्यक्रमा अतिथिहरू राजमो केन्द्रीय सदस्य राजेन्द्र ढुंगाना, जिल्ला अध्यक्ष अमरबहादुर क्षेत्री, नेपाल ट्रेड यूनियन अन्टुकका जिल्ला अध्यक्ष तुलबहादुर भन्डारी, नेकपा एकीकृत समाजवादीका जिल्ला अध्यक्ष उदय चन्द्र अर्याल, ट्रेड युनियन अन्टुकका डम्मर केसी, राष्ट्रिय परिषद् सदस्य चन्द्र सापकोटा, नवलपुर जिल्ला अध्यक्ष गोविन्द अमाइ, राजमो नवलपुर जिल्ला सदस्य होमनाथ पराजुली, राजमो जिल्ला सचिव पदमप्रसाद वाग्ले, पुष्पा थापा, माया भन्डारी र अखिल नेपाल महिला सङ्घका सिता क्षेत्री रहनुभएको थियो ।
त्यस्तै, राजमो नवलपुर जिल्ला सदस्य होमनाथ पराजुली र एकीकृत समाजवादीका जिल्ला अध्यक्ष उदय चन्द्र अर्यालले पनि मन्तव्य राख्नुभएको थियो ।
प्रमुख अतिथि पुरीले ब्यानर पढेर कार्यक्रमको उद्घाटन गर्नु भएको थियो भने ट्रेड यूनियन अन्टुकका केन्द्रीय महासचिवले कार्यपत्र पढेर सुनाउनु भएको थियो ।
कार्यक्रमको अध्यक्षता सालिकराम सापकोटा र सञ्चालन यादव बिलास पन्तले गर्नुभएको थियो ।
