दाङ । दाङमा अखिल नेपाल महिला सङ्घले प्रशिक्षण कार्यक्रम सम्पन्न गरेको छ ।
महिला सङ्घकी केन्द्रीय सदस्य कमला जिसीको प्रमुख आतिथ्यमा २०८० भदौ १६ गते शनिबार घोराहीमा उक्त कार्यक्रम सम्पन्न भएको हो ।
प्रमुख अतिथि जिसीले कार्यक्रमको उद्घाटनका साथै महिला आन्दोलन र समस्याको बारेमा प्रशिक्षण दिनुभएको थियो ।
त्यस्तै, अखिल नेपाल युवक सङ्घका पूर्व केन्द्रीय अध्यक्ष काशिनाथ पोख्रेलले ऐतिहासिक भौतिकवाद, समसामयिक राजनीति र सङ्गठनको बारेमा प्रशिक्षण दिनुभएको थियो ।
प्रशिक्षणलाई राष्ट्रिय जनमोर्चा दाङका कोषाध्यक्ष हरि खरेल र अखिल नेपाल शिक्षक सङ्घ दाङकी सहसचिव ओमकला खनालले शुभकामना दिनुभएको थियो ।
महिला सङ्घकी जिल्ला अध्यक्ष पूर्णिमा आचार्यको अध्यक्षता तथा जिल्ला उपाध्यक्ष कमला बेलबासेको स्वागत मन्तव्यका साथ सम्पन्न उक्त कार्यक्रमको सञ्चालन महिला सङ्घ पार्षद् कृष्णा रानाले गर्नुभएको थियो ।
