हरि न्यौपाने, तमघासबजार ।
गुल्मीको सत्यवती गाउँपालिका वडा नम्बर २ थुम्कामा राष्ट्रिय जनमोर्चाको टोल समिति गठन भएको छ ।
ऐतिहासिक तीन अभियानअन्तर्गत २०८० भदौ ९ गते शनिबार सम्पन्न भेलाद्वारा सो समिति गठन गरिएको हो ।
राजमो केन्द्रीय सदस्य तथा जिल्ला अध्यक्ष रामकुमार क्षेत्रीको प्रमुख आतिथ्य तथा नेकपा (मसाल) गुल्मीका प्रवक्ता ओमेन्द्र कुँवरको विशिष्ट आतिथ्यमा उक्त भेला सम्पन्न भएको थियो । सो अवसरमा राजमो जिल्ला सल्लाहकार मित्रलाल तरामुको पनि आतिथ्य रहेको थियो ।
भेलाले कुमारी थापा अध्यक्ष रहनुभएको समिति निर्माण गरेको छ ।
समितिको उपाध्यक्षमा प्रेम सारू, सचिवमा अर्जुन सार्की, सहसचिवमा किरण तरामु र कोषाध्यक्षमा पूर्णिमा थापा रहनुभएको छ ।
त्यस्तै, सदस्यहरूमा कुमार बराल, प्रेम थापा, टोपबहादुर सार्की, डन्डबहादुर थापा, रोसन राहाडी, चेतमान राहाडी, अमर राना तथा सल्लाहकारमा डिलाराम राहाडी रहनुभएको छ ।
भेला कुमारी थापाको अध्यक्षता तथा अमर रानाको सञ्चालनसँगै सम्पन्न भएको थियो ।
