प्युठान । राष्ट्रिय जनमोर्चाले सञ्चालन गरेको संगठनात्मक अभियान अन्तर्गत प्युठानमा हजारौं जनालाई सदस्यता वितरण गरिएको छ । पहिलो चरणमा सदस्यता वितरण पछि राजमो प्युठानले संगठन विस्तारलाई तिब्रता दिन सुरु गरेको छ ।
यसै क्रममा झिमरूक गाउँ पालिका वार्ड नं ७ मा सदस्यता अभियान अन्तिम चरणमा पुगेसँगै शनिबार सम्पन्न भेलाले नेत्रा जिसीको अध्यक्षतामा १ १पूर्ण ३ वैकल्पिक र ५ सल्लाहकार सहित टोल समिति गठन गरेको छ ।
समितिको उपाध्यक्षमा फर्से सार्की, सचिव मुक्तु गिरी,सहसचिव छमा बस्नेत, कोषाध्यक्ष भगवता जिसी, सदस्यमा मिठा थापा, लक्ष्मी गिरी, सावित्रा थापा, राधा जिसी, मनकला प्रोख्रेल, जिवना जिसी, कल्पना परियार तथा सल्लाहकारमा गिता जिसी, जीत बहादुर सार्की, टोपला जिसी, धना सामन्त र सीता जिसी रहनुभएको छ ।
भेलामा सांसद तारा जिसी र नेकपा (मसाल) रुपन्देहीका प्रवक्ता नारायण जिसीले प्रशिक्षण दिनुभएको थियो।
प्युठानमा कांग्रेस र नेकपालगायतका पार्टी परित्याग गरी सयौं जना राजमोमा प्रवेश गरेका छन् । झिम्रुककै वडा नं ७ मा पजि एक सय पचास जना भन्दा धेरैले अन्य पार्टी परित्याग गरी राजमोमा प्रवेश गरेका हुन् । राजमोका स्थानीय नेताहरू ठाकुर गिरी, भेषमान गिरी र नारायण जिसीलगायत नेताहरु सो वडामा संगठन निर्माणमा सक्रिय रहनुभएको छ ।
यो पनिः
प्युठानका नौवटै तहमा संगठन निर्माण जारी, एकै पालिकामा ४ हजार सदस्यता वितरण
नेता शर्माको आग्रहः देश बलियो बनाउन राजमोलाई साथ दिनुहोस्
प्युठानमा राजमोले तय गर्यो संगठन विस्तारको खाका
