प्युठान । संगठनात्मक अभियान सञ्चालन गर्न राष्ट्रिय जनमोर्चा प्युठानको जिल्ला स्तरीय अगुवा कार्यकर्ता भेला सम्पन्न भएको छ । भेलामा नेकपा (मसाल)का महामन्त्री मोहन विक्रम सिंहले समसामहिक राजनीतिक परिस्थिति र संगठनात्मक अभियानको कार्यक्रमबारे प्रशिक्षण दिनुभएको थियो ।
राजमो जिल्ला अध्यक्ष कृष्ण बहादुर खड्काको अध्यक्षतामा सम्पपन्न भेलालाई संगठनात्मक अभियान केन्द्रीय परिचालन समितिका सदस्य आनन्द शर्मा र अभियानका ५ नम्बर प्रदेश इन्चार्ज सुरेश थापाले सम्बोधन गर्नुभएको थियो । कार्यक्रममा राजमो ५ नम्बर प्रदेश समितिका अध्यक्ष बोम बहादुर खत्रीले फागुन महिना भरि सञ्चालन हुने संगठनात्मक अभियानका लागि विस्तृत योजना प्रस्तुत गर्नुभएको थियो ।
भेलामा राजमोका पूर्व महासचिव हरि आचार्य, राजमो पूर्व केन्द्रीय सदस्य बासुदेव पोख्रेल, प्युठान जिल्ला विकास समन्वय समितिका संयोजक केशव आचार्य, झिमरुक गाउँपालिकाका अध्यक्ष तिलक जिसी, मल्लरानी गाउँपालिकाका अध्यक्ष अमरध्वज राना समेतको आतिथ्यता रहेको थियो ।
राजमो जिल्ला सचिव विदुर मल्लको सञ्चालनबाट अघि बढेको भेलामा जिल्ला उपाध्यक्ष इमानसिंह खड्काले स्वागत गर्नुभएको नेता आनन्द शर्माले जानकारी दिनु भयो ।
