तौलिहवा । कपिलवस्तुको शिवपुर–१ मा राष्ट्रिय जनमोर्चाको भेला सम्पन्न भएको छ ।
२०८० साउन २० गते शनिबार वडा नं. १ शिवपुर बनकट्टामा भेला सम्पन्न भएको हो ।
राजमो वडा समितिका अध्यक्ष मदन विकको अध्यक्षता तथा जिल्ला कोषाध्यक्ष चेतनारायण खनालको प्रमुख आतिथ्यमा सम्पन्न सो भेलाले राजु विक अध्यक्ष रहनुभएको सल्लाहकरसहित १५ सदस्यीय वडासमिति गठन गरेको छ ।
समितिको उपाध्यक्षमा मोहन चौधरी, सचिवमा शिवप्रसाद चौधरी, कोषाध्यक्षमा देवकला तामु तथा सदस्यहरूमा कमला पुन, पुष्पा विक र सोनिया चौधरी रहनुभएको छ ।
वैकल्पिक सदस्यहरूमा लालबहादुर चौधरी र होमबहादुर सुनार रहनु भएको छ ।
त्यसैगरी, सल्लाहकारमा कर्मराज चौधरी, केरसिंह पुन, जितबहादुर जिसी, मदन विक र खिमबहादुर बस्नेत रहनुभएको छ ।
भेलालाई प्रमुख अतिथि जिल्ला कोषाध्यक्ष चेतनारायण खनाल, अखिल नेपाल ट्रेड युनियन महासङ्घ (अन्टुक) का केन्द्रीय सदस्य केरसिंह अदै, राजमो जिल्ला सदस्य तथा शिवराज नगर अध्यक्ष केहर सिंह पुनले सम्बोधन गर्दै राजमोको गतिविधि र जिल्ला सम्मेलनबारे प्रकाश पार्नुभएको थियो ।
कार्यक्रम को सञ्चालन शिवप्रसाद चौधरीले र स्वागत राजु विकले गर्नुभएको थियो ।
