काठमाडौँ । क्युबाली जनताको सङ्घर्षप्रति त्यहाँको सरकारले गरेको दमनको विश्व टे«ड युनियन महासङ्घले विरोध गरेको छ । साथै महासङ्घले क्युबाली जनताप्रति ऐक्यबद्धता पनि प्रकट गरेको ।
महासङ्घका अध्यक्ष प्रेमलकुमार खनाल र महासचिव लोकराज भुसालको हस्ताक्षरमा २०८० साउन १० गते बुधबार जारी प्रेसवक्तव्यमा विरोध तथा ऐक्यबद्धता जाहेर गरिएको हो ।
यस्तो छ, प्रेसवक्तव्य :
‘क्युबाली जनताले आफ्नो लोकतान्त्रिक हक र राजनैतिक स्वतन्त्रताका लागि गत लामो समयदेखि न्यायपूर्ण सङ्घर्ष गरिरहेका छन् ।
क्युबाली जनताले गरेका वीरतापूर्ण सङ्घर्षलाई अमेरिकी साम्राज्यवाद र उसका पक्षपोषक साम्राज्यवादीले निर्ममतापूर्वक दमन, धरपकड, हस्तक्षेप, जेलयातना दिइरहेको छ । त्यसका विरुद्ध क्युबाली जनताको क्रान्तिकारी जुझारु सङ्घर्षप्रति क्रान्तिकारी एक्यबद्धता प्रकट गर्न २६ जुलाई २०२३ का दिन संसारभरिका विश्व ट्रेड युनियन महासङ्घमा आबद्ध सङ्गठनले ऐक्यबद्धता प्रकट गर्न अपिल गरेको छ ।
सो सम्बन्धमा हामी नेपालमा कृयाशील विश्व ट्रेड युनियन महासङ्घसँग आबद्ध नेपालका लाखौँ श्रमिक मजदुर वर्गको तर्फबाट क्युबाली जनताको न्यायपूर्ण क्रान्तिकारी सङ्घर्षप्रति ऐक्यबद्धता प्रकट गर्दछौँ । महान् क्युबाली जनताको न्यायपूर्ण आन्दोलनलाई अमेरिकी साम्राज्यवादीबाट गरिएको बर्बरतापूर्ण दमन, ज्यादती र हस्तक्षेपप्रति खेद प्रकट गर्दछौँ । त्यस प्रकारका साम्राज्यवादी हस्तक्षेप, धरपकड, ज्यादती बन्द गर्न र बिनाशर्त क्युबाली न्यायपूर्ण आन्दोलनका सम्मानित सङ्घर्षशील योद्दाहरूको सम्मानजनक रिहाइ गर्न माग गर्दछौँ ।’
