काठमाडौँ । नेकपा (मसाल) ले चेन्नैमा सर्पको डसाइबाट मृत्यु भएका सुरेश थापाप्रति भावपूर्ण श्रद्धाञ्जली व्यक्त गरेको छ ।
महामन्त्री मोहनविक्रम सिंहको हस्ताक्षरमा २०८० असार २१ गते शोकवक्तव्य जारी गर्दै पार्टीले श्रद्धाञ्जलीका साथै शोकसन्तप्त परिवारप्रति समवेदना व्यक्त गरेको हो
मूल प्रवाह अखिल भारत नेपाली एकता समाजको कार्यकर्तासमेत रहनुभएका थापाको गत जुन ३०, २०२३ (असार १५) का दिन असामयिक निधन भएको थियो ।
यस्तो छ शोकवक्तव्यको पूर्ण पाठ :
“प्युठान जिल्ला, स्वर्गद्वारी न.पा.–९ निवासी का. सुरेश थापा (का. प्रकाश) को गत ३० जुनमा भारतको चेन्नई उन्ताडीमा सर्पको टोकाइबाट ४२ वर्षको उमेरमा मृत्यु भएको छ । हामीले का. थापाको मृत्युप्रति गहिरो दु:ख व्यक्त गर्दै सन्तप्त परिवारजनप्रति समवेदना प्रकट गर्दछौँ ।
का. थापा भारतस्थित प्रवासी नेपालीहरूको प्रिय सङ्गठन मूल प्रवाह अखिल भारत नेपाली एकता समाजको कार्यकर्ता हुनुहुन्थ्यो । उहाँ हाम्रो पार्टीको इमान्दार, अनुशासित र जुझारु सदस्य हुनुहुन्थ्यो । उहाँको मृत्युबाट हाम्रो पार्टीको आन्दोलनमा गम्भीर क्षति भएको छ ।
अन्तमा हामीले उहाँप्रति हार्दिक श्रद्धाञ्जली व्यक्त गर्दछौँ ।”
