शङ्करप्रसाद पोख्रेल, बुटवल ।
राष्ट्रिय जनमोर्चा रुपन्देहीको छैटौँ जिल्ला सम्मेलन टानबहादुर केसी अध्यक्ष रहनुभएको १७ पूर्ण पाँच वैकल्पिक र पाँच सल्लाहकारसहितको जिल्ला समिति चयन गर्दै सम्पन्न भएको छ ।
२०८० जेठ २६ गतेदेखि सुरु भएको सो सम्मेलन जेठ २८ गते सम्पन्न भएको हो ।
समितिको उपाध्यक्षमा इन्दिरा ज्ञवाली, सचिवमा कृष्णप्रसाद पोख्रेल, कोषाध्यक्षमा गोपालप्रसाद गैरे र सहसचिवमा लालबहादुर क्षेत्री चयन हुनुभएको छ ।
त्यसैगरी, सदस्यमा लक्ष्मी कुँवर, हीरालाल धामी, लीलाराम खनाल, हरी राहाडी, गोपाल बन्जाडे, हर्क टन्डन, रनमाया परियार, हरि केसी, भीमलाल न्यौपाने र गङ्गालाल सापकोटा रहनुभएको छ । सदस्यको दुई स्थान हाललाई रिक्त राखिएको छ ।
एवम् प्रकारले वैकल्पिक सदस्यहरूमा यमबहादुर क्षेत्री, रेनु सिंह, विशाल पौडेल, खगेश्वर गिरी र तुलसी शर्मा रहनुभएको छ ।
सम्मेलनले सल्लाहकारमा रुकबहादुर पराजुली, पदमप्रसाद श्रेष्ठ, पुरुषोत्तम कँडेल, कृष्णबम मल्ल र चेतनाथ आचार्यलाई चयन गरेको छ ।
बन्दशत्रको अध्यक्षमण्डलमा गङ्गालाल सापकोटा, इन्दिरा ज्ञवाली र टानबहादुर केसी रहनुभएको थियो । सम्मेलनले विशेष प्रस्ताव र साङ्गठनिक प्रतिवेदन बद्रे आलमले र आर्थिक प्रतिवेदन केपी पोखरेलले प्रस्तुत भई हलबाट पास गरिएको थियो । निर्वाचनमण्डलमा बद्रे आलम, ढुन्डिराज शर्मा र उमा न्यौपाने रहनुभएको थियो ।
नवनिर्वाचित समितिलाई कम्युनिस्ट सङ्ग्रहालयका अध्यक्ष चेतनाथ आचार्य, अखिल नेपाल किसान महासङ्घ (अप्फा) का उपाध्यक्ष चन्द्रबहादुर केसी र महिलानेतृ माया खनालले बधाई दिनुभएको थियो ।
