रामबहादुर चमार, कपिलवस्तु ।
कपिलवस्तुको शिवराज नगरपालिका वडा नं ३ खरेन्द्रपुरमा अखिल नेपाल बाल संघले विविध खेलकुद प्रतियोगिता आयोजना गरेको छ ।
श्री समय थान माविमा सम्पन्न प्रतियोगितामा बाल संघका पाँचवटा समूहले भाग लिएका थिए । जसमा अखिल नेपाल बाल संघ खरेन्द्रपुर ए र बी, नयाँवस्ती, बंकटी र धनगदवा सहभागी थिए । क्रिकेट, दौड, सामुहिक दौडलगायतका प्रतियोगिता आयोजना गरिएको थियो ।
जस अनुसार क्रिकेटमा अखिल नेपाल बाल संघ, ख रेन्द्रपुर ‘बी’ प्रथम भएको थियो भने अखिल नेपाल बाल संघ नयाँवस्ती द्वित्तीय र अखिल नेपाल बाल संघ खरेन्द्रपुर ‘ए’ ले तृतीय स्थान हासिल गरेको थियो ।
यस्तै, हाजिरी जवाफ प्रतियोगितामा खरेन्द्रपुर ‘ए’ प्रथम, नयाँवस्ती द्वित्तीय र बाल संघ बंकटी तृतीय भएका थिए ।
यसैगरी दौडतर्फ सुनिल विक प्रथम, शुभम् विक द्वित्तीय, विपिन कुँवर तृतीय भएका थिए ।
घैंटोफोर कार्यक्रममा कृष्ण कार्की प्रथम, सुस्मिता खनाल द्वित्तीय र वर्षती विटालु त्रृतीय भएका थिए ।
उमेर अनुसारको दस जनाको ग्रुप दौडमा कसक घर्ती, सुनिल सुनार, नयन भण्डारी, लुकुस गुप्ता, यामलाल सापकोटाले विजय हासिल गर्न सफल भएका थिए ।
विजेता सबैलाई वडा न ३ खरेन्द्रपुरको वडा कार्यालय द्वारा दिइएको खेलकुद सामग्री, फुटबल, ब्याटबल, ब्याडमिन्टन, क्यारेम्बोर्ड, कापी, पेन्सिल, पेन, टिफिन, पर्कल, वाटर बोटललगायतका पुरस्कार वितरण गरिएको थियो ।
पुरस्कार वितरण कार्यक्रममा बाल संरक्षक तथा सामाजिक व्यक्तित्व केरसिंह अदैले बालबालिकाहरुको यो खेल प्रतियोगिताले सामाजिक भावना, एकता, शारीरिक मानसिक र बौद्धिक विकास हुनुका साथै खेलकुदले आत्मबल बढ्दै जाने बताउनु भयो ।
उहाँले खरेन्द्रपुरमा २०५७ सालदेखि बाल बालिकाहरु लाई संगठित गर्दै अनुशासन र विविध प्रोग्राम सिकाउँदै आएको बताउनु भयो ।
कार्यक्रममा वडा कार्यालयले खेलकुद सामग्री उपलब्ध गराएको थियो भने बन्जाडे किराना पसल चन्द्रौटाले खाजा सहयोग गरेको थियो । यस्तै, हंस वाहिनी इंग्लिश बोर्डिङ स्कूलका प्रिन्सिपल अजय त्रिपाठीले पिउने पानी सहयोग गर्नु भएको आयोजकले जनाएको छ ।
प्रतियोगिताबाट प्रभावित भएर स्थानीय ध्रुव पौडेलले रु दुई सय पचास सहयोग गर्नु भएको थियो ।
उहाँहरुलाई अखिल नेपाल बाल संघ खरेन्द्रपुरले विशेष धन्यबाद दिएको छ ।
कार्यक्रम को अध्यक्षता अखिल नेपाल बाल संघ खरेन्द्रपुरका उपाध्यक्ष विहान अदै र सञ्चालन सचिव जस्मिन पुनले गर्नु भएको थियो ।
कार्यक्रमलाई सहजीकरण केशव महतरा, राम बहादुर चमार र टिक माया भण्डारीले गर्नु भएको थियो ।
