सन्धिखर्क । अर्घाखाँचीको सन्धिखर्कमा राष्ट्रिय जनमोर्चाको नगर सम्मेलन सम्पन्न भएको छ ।
राजमो प्रदेश सल्लाहकार शेरबहादुर बिसीको प्रमुख आतिथ्यमा २०७९ चैत १२ गते सम्मेलन सम्पन्न भएको हो ।
कार्यक्रममा विशिष्ट अतिथि अखिल नेपाल महिला सङ्घकी महासचिव शकुन्तला राना, रामजो केन्द्रीय सदस्यहरू सागर केसी, झबिलाल थापा, राजमो जिल्ला अध्यक्ष थम्मन केसी र बाबुराम पन्थीले पनि शुभकामना दिनुभएको थियो ।
सम्मेलनमा अखिल नेपाल युवक सङ्घका केन्द्रीय सदस्य ठाकुर सुनार, अखिल नेपाल ट्रेड युनियन महासङ्घ (अन्टुक) का उपाध्यक्ष गोविन्द बिसी, नेपाल बुद्धिजीवी सङ्घका केन्द्रीय सदस्य जीवनारायण खनाल, प्रगतिशील पत्रकार सङ्घका केन्द्रीय सदस्य गोपाल भट्टराई, नेकपा (मसाल) का जिल्ला प्रवक्ता पशुपति ढकाल, अखिल नेपाल राष्ट्रिय उद्योग व्यापार सङ्घका दुर्गाप्रसाद खनाल, अखिल (छैठौं) की कविता राना, अखिल लेखापढी सङ्घका बुद्धि चुदालीलगायतको आतिथ्य रहेको थियो ।
सम्मेलनले गोविन्द बिसी अध्यक्ष रहनुभएको २१ पूर्ण, सात वैकल्पिक र सात जना सल्लाहकार रहनुभएको ३३ सदस्यीय जिल्ल समिति गठन गरेको थियो । समितिको उपाध्यक्षमा रुद्र पराजुली, सचिवमा जीवनारायण खनाल, सहसचिवमा वसन्त खड्का र कोषाध्यक्षमा लिला भुसालसहित सदस्यहरू रहनुभएको छ ।
राजमो नेता कमल घिमिरेले अध्यक्षता तथा गोपाल पौडेलको स्वागत मन्तव्यमा अघि बढेको सम्मेलनको सञ्चालन वशन्त खड्काले गर्नुभएको थियो ।
निर्वाचित अध्यक्षले प्रतिबद्धता जाहेर गर्नुभएपछि समितिलाई वामपन्थी नेता मित्रलाल आचार्य, अखिल नेपाल महिला सङ्घकी केन्द्रीय सदस्य कल्पना पाण्डेले बधाई दिनुभएको थियो ।
