अर्घाखाँची । राष्ट्रिय जनमोर्चा अर्घाखाँचीको जिल्ला सम्मेलन तयारी तीब्र गतिमा अघि बढेको छ।
सम्मेलन तयारीका क्रममा आइतबार भूमिकास्थान नगरपालिका ४ नम्बर वडाको भेला सम्पन्न भएको छ ।
‘गणतन्त्र, राष्ट्रियताको रक्षा, संघीयताको खारेजीको लागि हाम्रो आन्दोलन, वातावरणीय सन्तुलनसँगै समुन्नत अर्घाखाँचीको लागि पाँचौ जिल्ला सम्मेलन’ भन्ने मूल नाराका साथ दोस्रो वडा भेला मदेनडाँडामा सम्पन्न भएको हो ।
कार्यक्रममा राजमो केन्द्रीय सदस्य सागर केसी, जिल्ला अध्यक्ष थम्मन केसी, जिल्ला सचिव वावुराम पन्थी, गोबिन्द केसी लगायतले भेला सफलताको शुभकामना दिनुभएको थियो ।
भेलाले जिल्ला सम्मेलन तयारीको लागि वडा समिति समेत गठन गरेको छ । अध्यक्षमा कृष्ण सुनार, उपाध्यक्ष हरि आले, सचिव झबिन्द्र चुदाली, सहसचिव गिता परियार र कोषाध्यक्ष जुना सुनार सहित २६ सदस्सीय नयाँ समिति गठन भएको हो ।
कृष्ण सुनारको अध्यक्षतामा सुरु भएको कार्यक्रमको सञ्चालन झबिन्द्र चुदालीले गर्नु भएको थियो ।
राष्ट्रिय जनमोर्चा अर्घाखाँचीको पाचौं जिल्ला सम्मेलन अगामी २०८० वैशाख ८ र ९ गते हुने भएको छ ।
राजमो अर्घाखाँचीको जिल्ला सम्मेलन वैशाख ८ र ९ गते हुने
