काठमाडौं । काठमाडौंको बूढानीलकण्ठ–१० बालुवाखानीस्थित फेरिल्याण्ड इन्टरनेशनल स्कुलले तेक्वाक्दो खेल अन्तर्गत विभिन्न स्तरका प्रतियोगितामा पदक विजेता खेलाडीलाई सम्मान गरेको छ ।
शनिबार विद्यालयमा आयोजित एक कार्यक्रमबीच बूढानीलकण्ठ १० का वडाअध्यक्ष एमव् नगर प्रवक्ता नवराज भट्टराईले विजेता खेलाडीलाई विद्यालयको तर्फबाट पुरस्कार तथा प्रमाणपत्र वितरण गर्नुभयो ।
कार्यक्रममा विभिन्न बेल्ट स्तरोन्नती गरेका खेलाडीलाई प्रमाणपत्र वितरण गरिएको थियो । यस्तै, खेलाडीद्वय सिम्रन अधिकारी र सावण मगरलाई ‘प्लेयर अफ द मन्थ’बाट सम्मान गरिएको थियो ।
यसैगरी प्रथम डन ब्लाकबेल्ट कृतिका कटवाल र सेकेन्ड डन ब्लाकबेल्ट प्राप्त युनिका खतिवडालाई मेडल तथा प्रमाण पत्र (कोरियन भाषामा समेत) वितरण गरिएको थियो ।
कार्यक्रममा गत माघ १४ गते सम्पन्न बागमती प्रदेशस्तरीय तेक्वान्दो प्रतियोगितामा स्वर्ण पदक विजेता विद्यालयकी खेलाडी कृतिका कटवाललाई सम्मान गरियो ।
यस्तै, गत कात्तिक १९ देखि २१ गते (नोबेम्बर ५–७) थाइल्याण्डमा भएको ‘अन्तर्राष्ट्रिय हिरोज भर्चुअल तेक्वान्दो प्रतियोगिता’मा पदक विजेता खेलाडीलाई समेत सो अवसरमा सम्मान गरियो ।
उक्त अन्तर्राष्ट्रिय प्रतियोगितामा विद्यालयका खेलाडीले दुई स्वर्ण, एक रजत र चार कास्य गरी सात वटा पदक जितेका थिए ।
प्रशिक्षणरत खेलाडीद्वय कृपा खपाङी र अन्स श्रेष्ठले स्वर्ण जितेका थिए भने सुसान भुजेलेले रजत तथा कृतिका कट्वाल, युनिका खतिवडा, न्युटन खत्री र अपेक्षा ढुङगानाले कास्य पदक जित्न सफल भएका थिए ।
यसैगरी गत माघ २२ गते सम्पन्न ‘चौथो प्रधान सेनापति छात्रा तेक्वान्दो प्रतियोगिता–२०७९’ प्रतियोगितामा काश्य पदक विजेता कृपा खपाङीलाई पनि सम्मानित गरियो ।
खेलाडी सम्मान कार्यक्रममा बागमती क्षेत्रकै उत्कृष्ट प्रशिक्षक विद्यालयका खेल शिक्षक दीपक दुलाललाई पनि सम्मान गरिएको थियो भने प्रमुख अतिथि नवराज भट्टराईलाई मायाको चिनो प्रदान गरिएको थियो ।
कार्यक्रममा खेल प्रशिक्षक दुलालले फेरिल्याण्ड स्कुल अन्य अतिरिक्त क्रियाकलापसँगै तेक्वान्दोमा उत्कृष्ट नतिजा निकाल्न सफल भएको बताउनुभयो । यस्तै, प्रिन्सिपल विष्णुचन्द्र अधिकारीले विद्यालयले खेल क्षेत्रमा गरेको प्रगतिप्रति खुशी व्यक्त गर्दै खेलाडी र प्रशिक्षकलाई बधाई ज्ञापन गर्नुभयो ।
शिक्षक विनोद अधिकारीले स्वागत गर्नुभएको कार्यक्रममा युवा संघका नगर अध्यक्ष पुरुषोत्तम सापकोटाको समेत आतिथ्यता रहेको थियो ।
प्रधानसेनापति छात्रा तेक्वान्दो प्रतियोगितामा आयोजक टिम प्रथम
अन्तर्राष्ट्रिय तेक्वान्दो प्रतियोगितामा फेरिल्याण्डलाई सात पदक, कृपा र अन्सले जिते स्वर्ण
