काठमाडौं । काठमाडौंको बूढानीलकण्ठ नगरपालिका–१० बालुवाखानीमा रहेको फेरिल्याण्ड इन्टरनेसन स्कुलले ७ वटा पदक जित्न सफल भएको छ ।
यही कात्तिक १९ देखि २१ गते (नोबेम्बर ५–७) थाइल्याण्डमा भएको ‘अन्तर्राष्ट्रिय हिरोज भर्चुअल तेक्वान्दो प्रतियोगिता’मा विद्यालयका खेलाडीले दुई स्वर्ण, एक रजत र चार कास्य गरी सात वटा पदक हात पारेको विद्यालयका खेल प्रशिक्षक दीपक दुलालले जानकारी दिनुभयो ।
प्रशिक्षणरत खेलाडीद्वय कृपा खपाङी र अन्स श्रेष्ठले स्वर्ण जितेका हुन् । ९ वर्ष उमेर समूहमा फिल्पिन्सलाई हराउँदै कृपाले स्वर्ण जितिन् भने १२ वर्ष उमेर समूहमा अस्ट्रेलियाका खेलाडीलाई पछि पार्दै अन्सले स्वर्ण जिते ।
यस्तै, सुसान भुजेलेले रजत जितेका छन् भने कृतिका कट्वाल, युनिका खतिवडा, न्युटन खत्री र अपेक्षा ढुङगानाले कास्य पदक जित्न सफल भएको प्रशिक्षक दुलाले जानकारी दिनुभयो ।
प्रतियोगितामा नेपाल लगाएत १७ वटा विभिन्न राष्ट्रका ५०० भन्दा बढी विभिन्न उमेर समूह र विधामा खेलाडी सहभागी थिए ।
प्रतियोगितामा फेरिल्याण्ड स्कुलका खेलाडीले अनलाइन सहभागिता जनाएका थिए । विद्यालयले दुई स्वर्णसहित सातवटा पदक जित्न सफल भएकोमा गौरव लागेको विद्यालयका प्रिन्सिपल विष्णुचन्द्र अधिकारीले बताउनुभयो ।
संस्थापक प्रिन्सिपल अधिकारीले खेलले विद्यार्थीको शारीरिक तथा मानसिकका साथै चौथर्फी विकासमा योगदान दिने बताउँदै खेल शिक्षक दुलाल र पदक जित्न सफल विद्यार्थीलाई धन्यबाद दिनुभयो । उहाँले खेलमार्फत फेरिल्याण्ड स्कूलको नाम अन्तर्राष्ट्रिय स्तरमा चिनाउन सफल भएकोमा विद्यार्थीहरु प्रति आभार व्यक्त गर्नु भयो ।
मेडल प्राप्त गर्ने विद्यार्थीहरूलाई विद्यालयका संस्थापक निर्देशकहरू राजेन्द्र देवकोटा, राम प्रसाद गौतम तथा विनोद अधिकारीले धन्यवाद दिएको विद्यालयले जनाएको छ ।
फेरिल्याण्ड स्कुललले खेलकुद प्रतियोगितालगायत विभिन्न अतिरिक्त क्रियाकलापमा आफूलाई अब्बल सावित गरिरहेको प्रिन्सिपल अधिकारीले बताउनुभयो ।
प्रदेशस्तरीय ‘रग्वी’ प्रतिस्पर्धामा तेस्रो हुने फेरिल्याण्डका विद्यार्थी सम्मानित
‘मैत्रीपूर्ण तेक्वान्दो प्रतियोगिता’ मा फेरिल्याण्डका तीन खेलाडीलाई पदक
