बागलुङ बजार । ‘राष्ट्रियता र गणतन्त्रको रक्षा गरौं, सङ्घीयता खारेज गरौँ’ मूल नाराका साथ राष्ट्रिय जनमोर्चा जैमिनी नगरपालिकाले दोस्रो नगर सम्मेलन पैयुँथन्थापमा सम्पन्न भएको छ ।
राजमो केन्द्रीय सदस्य दिलबहादुर दर्जीको प्रमुख आतिथ्य तथा राजमो बागलुङका अध्यक्ष तथा जिल्ला समन्वय समिति बागलुङका प्रमुख अमर थापाको विशिष्ट आतिथ्यमा २०७९ माघ २९ गते सो सम्मेलन सम्पन्न भएको हो ।
सहिदको सम्झनामा एक मिनट मौनधारण गरी अगाडि बडेको उक्त कार्यक्रमको उद्घाटन प्रमुख अतिथि राजमो केन्द्रीय सदस्य दिलबहादुर दर्जीले मैनबत्ती बालेर गर्नुभएको थियो ।
सम्मेलनलाई अखिल नेपाल जनजाति सम्मेलनका पूर्व केन्द्रीय सल्लाहकार नरबहादुर पुन, अखिल नेपाल युवक सङ्घका केन्द्रीय सदस्य वीरेन्द्र थापा, नेकपा ९मसाल० बागलुङका पूर्व प्रवत्ता भरत पौडेल, अखिल नेपाल महिला सङ्घकी जिल्ला उपाध्यक्ष शान्ताकला शर्मा लगायतले शुभकामना व्यक्त गर्नुभएको थियो ।
सम्मेलनमा रक्तिम सांस्कृतिक अभियानका केन्द्रीय सदस्य थुमराज ढुङ्गाना, अखिल नेपाल किसान महासङ्घ ९अप्फा० का जिल्ला सचिव वीरेन्द्र थापा, जातीय समता समाजका जिल्ला सदस्य विष्णुकली दर्जी, वामपन्थी नेता कृष्ण थापा, युवक सङ्घका जिल्ला सदस्य श्रीप्रसाद थापाको पनि आतिथ्य रहेको थियो ।
सम्मेलनले दिलबहादुर श्रीस अध्यक्ष रहनुभएको १७ पूर्ण, पाँच वैकल्पिक र पाँच सल्लाहकारसहितको राजमो जैमिनिी नगर समिति गठन गरेको छ ।
समितिको उपाध्यक्षमा टीका आचार्य, सचिवमा ठाकुर शर्मा, सहसचिवमा भवानी पाण्डे र कोषाध्यक्षमा शान्ताकला शर्मा रहनुभएको छ ।
त्यस्तै, सदस्यहरूमा इमनाथ नारायण, सूर्यबहादुर पुन, भरत पौडेल, कृष्ण थापा, पूर्णकला आचार्य, नरिश्वर आचार्य, विष्णु थापा, शिव शर्मा, विष्णुकली दर्जी, दिलिप परियार, सीता विक र सुमित्रा विक रहनुभएको छ ।
एवम् प्रकारले वैकल्पिक सदस्यहरूमा हीराबहादुर थापा, थुमबहादुर घर्ती, खगेन्द्र थापा, झलक पुन र मनबहादुर सुनार रहनुभएको छ ।
सम्मेलनले गोपाल पौडेल, ाम पौडेल, चन्द्रबहादुर केसी, रघुनाथ पौडेल र बालाकृष्ण शर्मालाई सल्लाहकारमा चयन गरेको छ ।
दिलबहादुर श्रीसको अध्यक्षता तथा ठाकुरप्रसाद शर्माको सञ्चालनमा सो सम्मेलन सम्पन्न भएको थियो ।
