वीरेन्द्रनगर । राष्ट्रिय जनमोर्चा सुर्खेतअन्तर्गत लेकबेसी नगरपालिका वडा नं. १ र २ को वडा भेला बेग्लाबेग्लै मितिमा सम्पन्न भएको छ ।
केन्द्रीय उपाध्यक्ष जनकराज शर्माको विशेष उपस्थितिमा २०७९ माघ २० २१ गते सो भेला सम्पन्न भएको हो ।
माघ २० गते सम्पन्न वडा नं. १ को भेलामा वडाअध्यक्ष छवि पोखरेलको अध्यक्षता तथा हरि परियारको सञ्चालन रहेको थियो ।
भेलाले पाण्डव केसी अध्यक्ष रहनुभएको राजमोको वडासमिति निर्माण गरेको छ । समितिको उपाध्यक्षमा गङ्गबहादुर फौजा, सचिवमा दोहन थापा (मिदुन) र कोषाध्यक्षमा धनकुमारी नेपाली रहनुभएको छ ।
त्यस्तै सदस्यहरूमा जितबहादुर आर्ने, देविसरा सयली, झपसिंह परियार, शेरबहादुर लुतटी र डी.आर. आर्ने रहनुभएको छ ।
भेलाले शेरबहादुर परियार, भीमबहादुर फौजा र छवि पोख्रेललाई सल्लाहकारमा चयन गरेको छ ।
त्यसैगरी, माघ २१ गते कर्णबहादुर ठाडाको अध्यक्षता तथा प्रेमबहादुर ज्ञामीको सञ्चालनमा वडा नं. २ को भेला सम्पन्न भएको छ ।
भेलाले कर्णबहादुर ठाडा अध्यक्ष रहनुभएको राजमोको वडासमिति गठन गरेको छ । समितिको उपाध्यक्षमा टीकाराम फौजा, सचिवमा प्रेमबहादुर ज्ञामी, सहसचिवमा नरसिंह सिँजापति र कोषाध्यक्षमा खम्बासिंह मिदुन रहनुभएको छ ।
त्यस्तै, सदस्यहरूमा निरू ठाडा, हीरामाया सुनार, दिपा ठाडा, चन्द्रबहादुर ठाडा र भूर्मी ठाडा रहनुभएको छ ।
भेलाले शशिराम ठाडा, प्रेमबहादुर ठाडा, जङ्गबहादुर फौजा र पूर्णकला खाम्चा रहनुभएको छ ।
भेलाले राजमोको सङ्गठन विस्तार तथा सङ्घीयता, महङ्गी, भ्रष्टाचारका विरुद्ध सभा गर्ने निर्णय गरेको प्राप्त समाचारमा उल्लेख छ ।
